YAKOBUS 3:14 - WUKE SUSI WATTI'U AL᷊AL᷊USASSA

¹⁴ Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

YAKOBUS 3:14 Iomraidhean Croise

PANDARIADDI 37:11

Manga iaangngi Yusuf piate naungnga lal᷊eo si tou, arawe iamangnge sidutu maṛṛingiddu wal᷊iawa udde.

PANDARIADDI 38:9

Arawe i Onan masingkatta manungku manga anangnge sarun tawe maola'a pussaane. Nariaddi, suapan i tou matatamban inawal᷊uannu iaangnge udde, sal᷊ingnge niwalan tou maramme su liudde tadea'u iaangnge tawe maasomba pallaṛṛite.

2 MARARATU 10:16

lapiddu nabbisara, “Wette tantalongke wuṛṛu pa'ellege sassane ereapa aṛṛimadde i ya'u massubba Mawu.” Ana see itarua suadio'a sinuma'e kereta watukku Samaria.

AYUB 5:2

Tumba'u ete taumata woddo apan mattate ana waugu asasusan naungnge.

AMSAL 14:30

Naungnga matammudda maapia wadangnga; mangngune uddewe naal᷊ihidda radda'a apan maapate.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

YESAYA 11:13

Araratuannu Israel tate lai aurangannu naungnga su Yehuda, wuṛṛu Yehuda tate lai masseettu Israel.

HABAKUK 1:3

Anio niwala-Nu i ya'u ma'ellega aroddi anambone al᷊al᷊eo? Ṛatadde I'o maataṛṛangnga maasilo aroddi anambone pallal᷊awangnga? Su al᷊awo'u tampa pia araṛṛimunsa'a wuṛṛu araṛṛagissa, pabbawawul᷊o wuṛṛu pattatiakka.

MATIUS 27:18

I Pilatus nabbisara aroddi ana waugu i tou masingkatta manungku manga tembonannu Yahudi nanantillu Mawu Yesus si tou ana waugu i mangitou tawe mal᷊uassa si tou.

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

WATTI'U MANGA RASUL 13:45

Napawe manga taumatan Yahudi naasilo taumata manambo udde, i mangitou mannihikka ara'e maddengki atonna. I mangitou mangngal᷊uandaga si Paulus wuṛṛu mannompola anambon bisarane.

WATTI'U MANGA RASUL 26:9

Dorone i ya'u sassane lai pia addapatta manungku i ya'u ṛinone ma'ola'a manga al᷊awo'a ipanal᷊are Mawu Yesus wuassu Nazaret udde.

WATTI'U MANGA RASUL 5:17

Panginsueanne imam wahewa wuṛṛu anambo mallal᷊aṛṛenggenne, eteudde wageangngu manga taumatan Saduki mannattake lullawangnga ana waugu i mangitou pia naungnga lal᷊eo.

WATTI'U MANGA RASUL 7:9

Manga iamangngu al᷊amonang kite udde massa'u si Yusuf, na'oman sara i mangitou nabal᷊u'i tou naola'a allangnga su Mesir. Arawe Ruata sidutu uatantalongnga si tou,

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

ROMA 2:17

Arawe orassa indi ereapa su manga tuṛṛangnga sassane? Tuṛṛangnga mangnga'u ririnu taumatan Yahudi. Tuṛṛangnga mangke tuttuṛṛutta titan agama Yahudi wuṛṛu tuṛṛangnga lulluassa ana waugu paa'aukku tuṛṛangnga ringannu Ruata.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

1 KORINTUS 13:4

Taumata apan marangngu taumata waine, masabbare wuṛṛu naungnge mapia. I Tou tawe mapaasabangngu naungnga lal᷊eo, tawe tal᷊imoṛṛonganna, tawe mamarabunga.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

GALATIA 5:26

I ite tawe wotongnge mattingkawunga, wuṛṛu maddal᷊al᷊eo naungnga, wuṛṛu uaa'une sangkatou ringannu waine.

GALATIA 6:13

Manga taumata apan tuttuṛṛuta atorannu sunatta lai tawe tumuṛṛutta titan agama. Arawe i mangitou maapulu i yamiu sunatanna, tadea'u i mangitou wotongnge lumuassa manungku i yamiu tinumuṛṛuta atoranna udde.

FILIPI 1:15

Atonna pia sire pira wuassu wallatti mangitou apan mabbatti'i Kristus ana waugu naungnge lal᷊eo wuṛṛu maapulu mattatiakka, arawe waine mabbatti'i Kristus ana waugu pia pandumma apan mapia.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

1 TIMOTIUS 6:4

ete i tou taumata mawunga wuṛṛu waggan apa-apa! Radange eteudde apulune uasasimbaka wuṛṛu uatatiakka su ola'u manga wisara na'oman sara sumappute naungnga lal᷊eo, patatal᷊ei, al᷊uandaga, wuṛṛu pasasunna apan lal᷊eo,

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

YAKOBUS 3:16

Suapa pia lu'adda wuṛṛu pallal᷊agu maṛṛingiddu waddangnga sassane, isudde lai asombanganna pabbawawul᷊o wuṛṛu al᷊awo'u inolaanna apan lal᷊eo.

YAKOBUS 5:19

Manga tuṛṛangku! Amungkangu wuassu wallatti yamiu pia sangkatou apan maddirite tumuṛṛutta al᷊aṛṛa'u Ruata, wua udde sangkatou waine napaawelengngu taumata udde ringannu Ruata,