YAKOBUS 3:13 - WUKE SUSI WATTI'U AL᷊AL᷊USASSA

¹³ Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

YAKOBUS 3:13 Iomraidhean Croise

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 107:43

Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

DARALO 122:8

Ana waugu wawosoanna tuṛṛangnga wuṛṛu hawe'u i ya'u mabbisara, “Doronganna i'o su lal᷊umanna'a!”

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 25:9

Mawu nangehetta taumata apan naungnge mawawo, wuṛṛu nangaṛṛa'u apulu-Ne si mangitou.

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

MANNANASE 8:1

Al᷊uassawe eteapa taumata pande. I tou masingkattu sasimbakku al᷊awo'u hatto. Asingkatta apan naaola'a si tou lullaggen al᷊al᷊uassa, na'oman sara hatine sidutu matilangnga.

MANNANASE 8:5

Taumata apan matuṛṛutta si tou, sarun matammudda wuṛṛu mal᷊angnganna; taumata pande masingkatta tingngera wuṛṛu ereapa tumuṛṛutta ratu.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

1 KORINTUS 6:5

Tumaniten maasili! Asinungka su wallatti yamiu pia sangkatou pande apan wotongnge manginsue pattatiakka su wallattu manga tuṛṛangnga apan rundussa Saṛṛani!

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

2 KORINTUS 8:24

I yami mangantima i yamiu mapaal᷊iatta'u darangngunu si mangitou, tadea'u anambon jamaatta masingkata manungku i yamiu marangngu si mangitou wuṛṛu manungku apa apan ilalluassi yami su ola'i yamiu udde atonna.

GALATIA 5:23

i mangitou masaṛṛionto'a, wuṛṛu wotongnge maataṛṛangnga apulun naungnga. Tawe titan agama apan manningaddu manga inolaanna ereudde.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

GALATIA 6:4

Suapan taumata, ṛinone mamarikissa sassane apa pallal᷊agune mapia ara'e lal᷊eo. Amungkangu mapia, i tou wotongnge mamarabungan inolaanne udde. Arawe arie i tou manumandingi tou ringannu apa apan a'olaannu taumata waine.

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

1 PETRUS 1:15

Arawe, ṛinone i yamiu susi su al᷊awo'u inolaanni yamiu, ere lai Ruata apan namaggo si yamiu udde susi.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.