YAKOBUS 3:1 - WUKE SUSI WATTI'U AL᷊AL᷊USASSA

¹ Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.

YAKOBUS 3:1 Iomraidhean Croise

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

MALEAKHI 2:12

Doronganna manga taumata apan inolaanne aroddi limbuaṛṛannu Mawu wuassu umattu Israel. Antimanna i mangitou tate lai tumantalongnga ringannu walahanni ite mangonggollu manga sasamba su Mawu Apan Lembontaṛṛino.

MATIUS 10:24

Al᷊aṛṛana'a si'ol᷊a tawe maasampal᷊iu hurune, wuṛṛu mangangimbe tawe maasampal᷊iu mawune.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 23:14

Nasilakate i yamiu manga hurun agama wuṛṛu manga taumatan Farisi: I yamiu taṛṛa lilangkamal᷊e'a. I yamiu mangngawusu manga wawine wal᷊u wuṛṛu mangngaṛṛo wal᷊ene wuṛṛu tadea'u maawunin al᷊al᷊eo udde, i yamiu u'al᷊iomanna mal᷊o'e-l᷊o'engnga. Ana waugu udde ṛuumanni yamiu sal᷊immurine awakkatanne!]

MATIUS 9:11

Pia manga taumatan Farisi apan naasilo olangnge udde. See i mangitou naiwal᷊ote mallal᷊aṛṛenggennu Mawu Yesus, “Anio hurunu u'anna su sampunna ringannu mallal᷊uṛṛu wose wuṛṛu manga taumata lal᷊eo?”

LUKAS 16:2

Nariaddi i tou namagote mangangadon roitta udde wuṛṛu nabbisara, ‘Apa indi niaringiṛṛangku atonna su ola'u pamamanaranu? Orassa indi, tantil᷊a'e si ya'u hessin manaranu su pinangatokku pa'a'ala'u. I'o tate wotongnge maola'a mananahipunna roi'u.’

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

YOHANES 3:10

Mawu Yesus sinumimbakka, “I'o huru su Israel; ṛatadde i'o wagga?

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

1 TIMOTIUS 1:7

I mangitou maapulu maola'a manga hurun agama, wutte'e i mangitou sassane tawe maasunna manga wisara apan ipappaatti mangitou ara'e manga inolaanna apan iapaasingkati mangitou ringannu ahewallu naungnga.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

2 TIMOTIUS 1:11

Su ipabbatti'u Watti'u Al᷊al᷊uassa uddewe Ruata namile si ya'u maola'a rasul wuṛṛu huru.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

YAKOBUS 1:16

Ariewe i yamiu aawusuanna, manga tuṛṛangku apan aranguanna!

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

YAKOBUS 3:10

Wuassu moṛṛongnga apan sambau sumabanga manga wisara aadiangkamanna wuṛṛu lai wisara a'ane. Ṛinone tawe aroddi!

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.