YAKOBUS 2:9 - WUKE SUSI WATTI'U AL᷊AL᷊USASSA

⁹ Arawe amungkangu i yamiu mammile taumata ana waugu ola'u ririne, i yamiu ma'ola'a rosa, wuṛṛu titan Duata napaal᷊iatta'a manungku eteudde i yamiu lumal᷊awangnga tita.

YAKOBUS 2:9 Iomraidhean Croise

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

YOHANES 16:8

Amungkangngu i Tou nirumantate, i Tou sarun mapaal᷊iatta'a su runia atapasannu rosa, apan ṛinone, wuassu inolaanna apan atonna, wuṛṛu wuassu ṛuumannu Ruata.

YOHANES 8:46

Isai su wallatti yamiu wotongnge maatiala manungku i Ya'u pia dosa? Amungkangngu i Ya'u mabatti'u atatul᷊idda, anio i yamiu tawe mangngimanna si Ya'u?

YOHANES 8:9

Napawe naaringikka Mawu Yesus nabbisara aroddi, i mangitou nanantangken tampa udde, passangkatou nanattakka wuassu atimmaranne. Panginsueanne Mawu Yesus natantangnga sassane isudde ringannu wawine apan ta'e uarisikka su dararisiṛṛanne.

WATTI'U MANGA RASUL 10:34

See i Petrus nabbisara, “Orassa indi ya'u atonna-tonna naapendampe manungku inolaannu Ruata su anambon taumata udde nassul᷊ungnga.

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

1 KORINTUS 14:24

Arawe amungkangngu i yamiu sarangkanambone mabbatti'u watti'a wuassu Ruata, see nirumanta sangkatou apan wal᷊ine Saṛṛani ara'e sangkatou raho, ne manga inolaanna apan niapaasingkati yamiu sarangkanambone sarun mapaal᷊iatta'u manga rosan taumata udde wuṛṛu mabal᷊i maatutukka manga rosane.

GALATIA 2:19

Arawe i ya'u natete su saruannu titan agama – nipaten tita udde sassane – tadea'u i ya'u wotongnge mabbiakka hunane su Ruata. I ya'u buatte niarussa su sambau ringanni Kristus.

TAHIUL᷊E 1:17

Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

1 YOHANES 3:4

Taumata apan ma'ola'a rosa, nilumawangnga titan Duata; ana waugu rosa uddewe lal᷊awangnga su titan Duata.

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.