YAKOBUS 2:25 - WUKE SUSI WATTI'U AL᷊AL᷊USASSA

²⁵ Pa'ellega lai si Rahab, wawine masandaga udde. I tou tinarimmattu Ruata ringannu mapia ana waugu pallal᷊agune, eteudde su tempo i tou nanarimmattu matataṛṛa so'o taumatan Israel su wal᷊ene wuṛṛu nantul᷊ungi mangitou tinumal᷊angnga su lal᷊anna waine.

YAKOBUS 2:25 Iomraidhean Croise

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

WATTI'U MANGA RASUL 17:7

wuṛṛu Yason suete napaintal᷊a mangitou su wal᷊ene. I mangitou sarangkanambone nilumawangnga manga atorannu Kaisar Roma, ana waugu i mangitou mabbisara manungku pia lai ratu waine aranne Mawu Yesus.”

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

YAKOBUS 2:22

Isindi natualage manungku pangangimanna ṛinone iapaal᷊iatta'u pallal᷊agu tadea'u masuungnga.

YAKOBUS 2:24

Natualage orassa indi, manungku taumata itarimmattu Ruata ringannu mapia ana waugu inolaannu taumata udde, wuṛṛu wal᷊ine tumba'u ana waugu pangangimanne.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

YOSUA 2:15

Ana waugu wal᷊en i Rahab niapaarisikka su darandungu soa, ne i Rahab nanossoki tarua wuassu sungketa.

YOSUA 2:16

“Inaite watukku panenteanna,” unni Rahab sitarua, “Tadea'u manga taumata apan nirolokku ratu udde tawe maasametta si radua. Pa'imbunite al᷊annune tallu allo ma'oman sara i mangitou mabelengnga, wakkute udde iradua wotongngete manassukku amatanna.”

YOSUA 2:4

“Atonna pia taumata nirumanta su wal᷊e'u,” sasimbaki Rahab, “arawe i ya'u wagga i mangitou wuassuapa. I mangitou inaitearoddi tanginna su tempo pa'aillal᷊annu rua sangkatuṛṛangnga tantal᷊anna ngaran soa taambe niṛṛuuda. Wuṛṛu i ya'u tawe naiwal᷊o watukku apa amatanni mangitou, arawe amungkangu i mangitou mal᷊ihakka enggenanna, asinungka ta'e wotongnge aratinganna.” (Wutte'e i Rahab buatte namuni ngana dua matataṛṛaso'o udde niommboannu laṛṛami su pangketu wal᷊ene.)

YOSUA 6:17

Ahewallu soa ma'oman sara lal᷊oṛṛone ṛinone ṛimunsaanna tawe lambene maola'a sambau sasamba su Mawu. Tumba'u i Rahab wawine masandaga udde wuṛṛu lal᷊oṛṛon bal᷊ene niwala wiakka, ana waugu i tou buatte nantul᷊ungngu matataṛṛaso'on kite.