YAKOBUS 2:20 - WUKE SUSI WATTI'U AL᷊AL᷊USASSA

²⁰ I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

YAKOBUS 2:20 Iomraidhean Croise

AMSAL 12:11

Mabbawailla apan marassaga pia biakke manambo, arawe taumata apan mangnginsue tempone su manara tawe gunane uddewe taumata woddo.

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

ROMA 3:28

Ana waugu pangudusanne arendi: Taumata isaggo uaaukka apia ringannu Ruata, wal᷊inewe ana waugu i tou tuttuṛṛutta apa apan uawoṛṛetta sulal᷊ummu titan agama Yahudi, ewe'e ana waugu i tou mangngimanna Mawu Yesus Kristus.

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

1 TIMOTIUS 1:6

Pia sambageanganna taumata apan maddirite mabbiakka ereudde lai, wuṛṛu inumal᷊iwute sulal᷊ummu pattatiakka apan tawe gunane.

TITUS 1:10

Ana waugu manambo taumata apan maapulu mabbawul᷊o, lembonete manga taumata apan dorone agamane Yahudi; i mangitou mangngawusu taumata waine ringannu aawusu mangitou.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

YAKOBUS 2:17

Aroddi lai ringannu pangangimanna, amungkangu tawe ipaal᷊iatta'u pallal᷊agu, ne pangangimanna udde tawe gunane.

YAKOBUS 2:26

Ne, su ereapa wadangnga ringannu tawe ghaṛṛaho, udde wadangnga nate, aroddi lai pangangimanna tawe pallal᷊agu, udde pangangimanna apan nate.