YAKOBUS 2:18 - WUKE SUSI WATTI'U AL᷊AL᷊USASSA

¹⁸ Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

YAKOBUS 2:18 Iomraidhean Croise

ROMA 14:23

Arawe taumata apan uapapaddua umanna, wua'udde umanna anna udde, taumata udde iapaasal᷊an Duata; ana waugu taumata udde tawe tinumuṛṛutta apulun naungnge su ola'u apa apan naṛṛino wuṛṛu apan nassal᷊a. Wuṛṛu manga al᷊awo'u inolaanna apan niola'a tawe ringannu pangangimanna eteudde rosa.

ROMA 3:28

Ana waugu pangudusanne arendi: Taumata isaggo uaaukka apia ringannu Ruata, wal᷊inewe ana waugu i tou tuttuṛṛutta apa apan uawoṛṛetta sulal᷊ummu titan agama Yahudi, ewe'e ana waugu i tou mangngimanna Mawu Yesus Kristus.

ROMA 4:6

Aroddi lai su addapatti Daud; ana waugu i tou nabbisara sal᷊amatte lumala'a su taumata apan buatte tinarimmattu Ruata ere taumata apan maal᷊uassa naung-Nge, wuṛṛu Mawu tawe mandeengngu manga inolaannu taumata udde. Daud nabbisara arendi,

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 9:19

Ne, tuṛṛangnga sarun mabbisara si ya'u, “Amungkangngu aroddi anio Ruata ta'e mapaasal᷊an taumata? Wal᷊ine tawe saran sangkatou wotongnge maapaningadu apulun Duata?”

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

IBRANI 11:33

Ana waugu mangngimanna, ne i mangitou suete napaarugi manga araratuanna. I mangitou ma'ola'a apa apan su ṛinone, na'oman sara naasengkamma apa apan suete pina'iren Ruata. I mangitou nanggattumu manga moṛṛongu singa,

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

YAKOBUS 2:14

Manga tuṛṛangnga! Apa hunane taumata mabbisara, “I ya'u taumata apan mangngimanna”, amungkangu i tou tawe mapaal᷊iatta'u pallal᷊agune? Wotongnge pangangimanna ereudde maasal᷊amatta si tou?

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.