YAKOBUS 1:9 - WUKE SUSI WATTI'U AL᷊AL᷊USASSA

⁹ Taumatan Saṛṛani apan asiangnga ṛinone lulluassa amungkangngu Ruata manduitti tou.

YAKOBUS 1:9 Iomraidhean Croise

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

AMSAL 17:5

Isai mangngal᷊uandaga taumata masa'ina, mallobbossa taumata Ruata mandariaddine. Isai apan lulluassu asasilakan taumata waine, sarun maasomba ṛuumanna.

AMSAL 19:1

Mapianne taumata asiangnga apan mabbiakka matul᷊idda, wuassu taumata woddo apan apulune mammahia.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

LUKAS 1:52

Manga ratu nilintukka wuassu araratuanne wuṛṛu taumata adio'anne tinanggakka.

LUKAS 10:20

Salaiwe aroddi arie lumuassa ana waugu manga ghaṛṛaho lal᷊eo nassuṛṛubawa si yamiu. Mappianne i yamiu lulluassa ana waugu arannu uawoṛṛetta su surga.”

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

TAHIUL᷊E 15:11

Su ammul᷊annu taumatan Israel sidutu sarun pia siri pira taumata asiangnga wuṛṛu pia auranganne. Ana waugu udde i ya'u mandolokki yamiu tadea'u masambiolo si mangitou.”

TAHIUL᷊E 15:7

Napawe i yamiu uatana'e su wanua apan nionggolu Mawu Ruatanu si yamiu, ana see pia sambau soa niaabbaanna taumata sambalahannu pia auranganne, taumatan balahannu pia urangnge, arie tumba'u maṛṛingiddu watangannu sassane wuṛṛu tawe massumbala si tou.

TAHIUL᷊E 15:9

Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.