YAKOBUS 1:25 - WUKE SUSI WATTI'U AL᷊AL᷊USASSA

²⁵ Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

YAKOBUS 1:25 Iomraidhean Croise

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.

DARALO 119:45

Ne i ya'u sarun mabbiakka ringannu tawe sal᷊awange, ana waugu mattinsahadda tuttuṛutta al᷊aṛṛanang-Ngu.

AMSAL 14:15

Taumata woddo mangngimanna anambon bisara, taumata pande tawe walate manarane.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

YOHANES 8:36

Ana waugu udde, amungkangngu ana'a mamallossi yamiu, i yamiu atonna-tonna mapallossa.

WATTI'U MANGA RASUL 13:43

Napawe manga taumata sinumabangke wuassu wal᷊em pattataṛṛamawuanna udde, i Paulus wuṛṛu i Barnabas nitantalongannu manambo taumatan Yahudi wuṛṛu taumatam walahanna waine apan suete sinumutta agaman Yahudi. Ne manga rasul udde nangaṛṛa'a si mangitou tadea'u i mangitou sidutu uaantimma al᷊amattu Ruata.

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

ROMA 7:12

Titan agama udde wuassu Ruata, wuṛṛu al᷊awo'u parenta sulal᷊ummu tita udde nirumanta wuassu Ruata, aroddi atul᷊ide wuṛṛu apiane.

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

1 TIMOTIUS 2:15

Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

YAKOBUS 2:12

Pabbisarate wuṛṛu pa'ola'e ere taumata apan sarun parikisanna tumuṛṛuttu titan Duata apan mamallosu taumata.

1 PETRUS 2:16

Ṛinone i yamiu mabbiakka ere taumata walate apulune, arawe arie mappaatu apulu naungngu udde ipallindumma al᷊al᷊eo, ewe'e pabbiakke ere sangkatou allangngu Ruata.

1 YOHANES 2:24

Ana waugu udde, watti'a apan suete niaringiṛṛani yamiu ro'en panattaṛṛanne i yamiu mangngimanna, ṛinone rariagganni yamiu mapia-pia sulal᷊ummu naungnga. Amungkangu watti'a udde, tatutuṛṛanni yamiu mapia-pia, i yamiu sarun mabbiakka sidutu uaaukka ringannu Ana'a wuṛṛu Iamangnga.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

1 SAMUEL 12:14

Lal᷊umanna'a si yamiu amungkangu i yamiu mangngaddatta Mawu wuṛṛu mattaṛṛamawu si Tou, lapiddu maddaringikka wuṛṛu tuttuṛṛutta parenta-Ne, nangillembo lai amungkangu i yamiu wuṛṛu ratunu udde sidutu tuttuṛṛutta Mawu Ruatanu.