YAKOBUS 1:21 - WUKE SUSI WATTI'U AL᷊AL᷊USASSA

²¹ Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

YAKOBUS 1:21 Iomraidhean Croise

DARALO 25:9

Mawu nangehetta taumata apan naungnge mawawo, wuṛṛu nangaṛṛa'u apulu-Ne si mangitou.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

YOHANES 6:68

“Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

EFESUS 1:13

I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

EFESUS 4:25

Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

EFESUS 5:4

Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

YAKOBUS 5:20

naungete addoanne indi: Taumata apan na'ola'a taumata marosa mabelengnga wuassu lal᷊anne apan nassal᷊a, taumata udde nanal᷊amatta niawan taumata marosa udde wuassu papate wuṛṛu na'ola'a manambo rosa niampunganna. Tabea wuassi yami, Yakobus

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 1:9

Ana waugu tuddam pangangimannu nia'omanna, eteudde asasal᷊amattu niawanu.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.