YAKOBUS 1:19 - WUKE SUSI WATTI'U AL᷊AL᷊USASSA

¹⁹ Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

YAKOBUS 1:19 Iomraidhean Croise

NEHEMIA 8:18

Pitu allo al᷊annune i mangitou maandeangnga. Miallo-miallo manga wageangngu buke Titan Duata niwasan Ezra. Su allo aual᷊une niola'a lal᷊aghu panguddusanne, uasul᷊ungngu atorannu Tita.

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

NEHEMIA 9:3

Iraraṛṛangngo al᷊annune tallun ka'orassa, buke Titan Mawu, Ruatan mangitou, niwasa si mangitou wuṛṛu al᷊annune talun ka'orassa manansunna i mangitou nanga'u manga rosan mangitou. Wua'udde i mangitou niumal᷊intudda wuṛṛu nassuba Mawu, Ruatan mangitou.

AYUB 32:16

I mangitou tumba'u uarisikka, tate maawisara apia. Ṛinonewe i ya'u maṛṛaddo salaiwe i mangitou mal᷊annabba?

AMSAL 10:19

Lembon manambo wisara, asinungka manambo lai marosa; taumata apan wotongnge mangul᷊inna lilane i tou udde pande.

AMSAL 13:3

Taumata apan maaddunna sulal᷊ummu wisarane sarun mal᷊angnganna wiakke; taumata apan walate wisarane sarun aṛṛiaannu asasilaka.

AMSAL 14:17

Taumata apan taṛṛa rona ma'ola'a awawoddo; taumata pande masabbare.

AMSAL 14:29

Taumata pande tawe mal᷊ihakka masa'u; taumata woddo tawe ma'ul᷊inna watanganne.

AMSAL 15:18

Taumata apan mal᷊ihakka masa'u mandantan patatiakka, taumata apan masabbare mangngapiddu paddarame.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

AMSAL 16:32

Mal᷊annu masa'u mappianne wuassu pia taṛṛino; maaul᷊inna watanganne mappianne wuassu uaparenta sambau soa.

AMSAL 17:14

Manattakku patatiakka udde naal᷊ihidda namaassa lal᷊annu ua'e; ana waugu soṛṛote tantal᷊anna patatiakka taambe nanattakka.

AMSAL 17:27

Taumata apan matakko'a ṛingiranne, tawe bisarane manambo. Taumata pande, sidutu matammudda.

AMSAL 18:13

Sumimbakka tantal᷊anna taambe naddaringikka eteudde inolaanna apan longonna wuṛṛu iapaasal᷊a.

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

AMSAL 19:11

Taumata pande wotongnge maaṛṛaddannu asasa'une. I tou raddaloanna ana waugu tawe mandeengngu pasasal᷊an taumata si tou.

AMSAL 19:19

Wala'e taumata mal᷊ihakka masa'u maapendamma sassane pangillul᷊eanne. Amungkangngu i'o mantul᷊ungngi tou, i'o tumba'u mannamba asasa'une.

AMSAL 21:23

Su ipallinda'u asasusa, ṛinone paatehamma malluan bisara.

AMSAL 25:28

Taumata apan tawe ma'ul᷊inna watanganne naal᷊ihidda soa apan naṛṛaate tatandangnge.

AMSAL 29:20

Mannamboanna antimma su taumata longonna, wuassu taumata apan mabbisara arawe tawe maṛṛingidda dorone.

REENGANNA 22:27

Naasilo mala'ekattu Mawu, keledai udde nirumaramangnga. I Bileam nandona wuṛṛu nanassaku ta'inna su keledai udde.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

MARKUS 12:37

Nariaddi amungkangngu i Daud mannagon Ratum Punnu Sal᷊amatta udde ‘Mawu’, ereapa wotongnge i tou papapulunni Daud?” Taumata nambo apan su Wal᷊e Mawu udde mal᷊uassa naungnge madaringikka Mawu Yesus mangngaṛṛa'a.

MARKUS 2:2

See manambo taumata nirumanta. I mangitou uaṛṛimpulunna poiaroddi na'oman sara niasueannu tampa. Su ngara taumata mangke lai uasaseppe'a. See Mawu Yesus namasingkattu watti'a wuassu Ruata si mangitou.

LUKAS 15:1

Su sambau allo, manambo mallaluṛṛu wose wuṛṛu manga taumata apan sassunnanna lal᷊oṛṛon soa lal᷊eo, nirumanta madaringikka Mawu Yesus.

LUKAS 19:48

arawe tawe maasomba lal᷊anne ipa'ola'a olangnge udde, ana waugu manga taumata sidutu uararingikka si Tou, wuṛṛu mal᷊uassa madaringikka wisara-Ne.

WATTI'U MANGA RASUL 1:15

Su allo sambau, su tempo i mangitou tantal᷊anna uaammulla – iraṛṛangngo pia maṛṛasutta ruam pul᷊o su atoune nirumanta – i Petrus dirumarisikka mabbisara. I tou nabbisara,

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

EFESUS 4:31

Timbul᷊ianete al᷊awo'u taddu'u naungnga, mangngune wuṛṛu massa'u. Ariete lai umui wuṛṛu mallela. Ariete lai pia apendamma maddantina ara'e apendamma waine lai apan uasul᷊ungngu apendamma udde.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

KOLOSE 3:8

Arawe orassa indi ṛinone i yamiu mandammem manga inolaanna lal᷊eo wuassu ririnu; ariete masa'u, ara'e mandona ara'e pia naungnga maddintinu taumata waine. Arie saran paassa sumabangnga wuassu moṛṛongu manga wisara lal᷊ela ara'e wisara apan lal᷊eo.

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

YAKOBUS 1:16

Ariewe i yamiu aawusuanna, manga tuṛṛangku apan aranguanna!

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

YAKOBUS 2:1

Manga tuṛṛangku! Ere sangkatou taumata apan mangngimanna Mawu Yesus Kristus, Mawu Apan Mawantuga, arie i yamiu mamile taumata ana waugu ola'u ririne.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YAKOBUS 3:10

Wuassu moṛṛongnga apan sambau sumabanga manga wisara aadiangkamanna wuṛṛu lai wisara a'ane. Ṛinone tawe aroddi!

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

YAKOBUS 5:12

Apan apianne eteudde: Arie massalu, mawae ringannu arannu langitta, ara'e arannu runia, ara'e ringannu manga apa lai. Wal᷊oa'e “Ore” amungkangu pandumannu ore, wuṛṛu “Tawe” amungkangu pandumannu tawe; tadea'u i yamiu tawe maasomba ṛuumannu Ruata.

YAKOBUS 5:19

Manga tuṛṛangku! Amungkangu wuassu wallatti yamiu pia sangkatou apan maddirite tumuṛṛutta al᷊aṛṛa'u Ruata, wua udde sangkatou waine napaawelengngu taumata udde ringannu Ruata,

1 YOHANES 2:21

Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.