YAKOBUS 1:1 - WUKE SUSI WATTI'U AL᷊AL᷊USASSA

¹ Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

YAKOBUS 1:1 Iomraidhean Croise

1 MARARATU 18:31

I tou nanganu mapul᷊o dua batu, suapan watu uaapiddu aranna suwallattu mapul᷊o dua ṛuanganna papapulunni Yakub, eteudde taumata apan buatte nionggol᷊annu Mawu aranne Israel.

EZRA 6:17

Su arariaddianna udde i mangitou nangonggolla su Mawu 100 sapi esakka, 200 domba esakka wuṛṛu 400 ana'u domba. Su sasamba ipangampungnga rosa, nionggolla mapul᷊o dua ambinga esakka, sembau suapan ṛuangannu Israel.

ESTER 3:8

Ana see Haman nabbisara ratu, “Tuangnga, pia sambau walahanna maatiangnga apan uasal᷊iawukka su al᷊awo'u propinsin araratuanna indi. Adattu inanaramanne uapapaṛṛala atonna ringannu manga walahanna waine. Tuangnga imbaṛṛangnga mamalan mangitou ma'ola'a walate apulun naungnge.

SASABANGNGA 24:4

Wua'udde i Musa namoṛṛettu anambon parentan Mawu. Tiṛṛabbine marua'allo, i tou napararisikku sambau mezbah ringannu mapul᷊o dua palene su wawal᷊annu wowone udde; suapan palene uaapiddu arannu mapul᷊o dua ṛuangannu Israel.

SASABANGNGA 28:21

Suapan permata ṛinone uitannu su wallatu sambau aranna wuassu siri mapul᷊o dua ana'i Yakub maola'a tatialan pananaungannu manga ṛuangannu Israel.

SASABANGNGA 39:14

Su tiappu sambau permata ni'uitta arannu sangkatou su wallatu mapul᷊o dua ana'i Yakub maola'a pananaunganna su manga ṛuangannu Israel.

YEHEZKIEL 12:15

Sutempo i mangitou Ta'u isal᷊iawukka su pattangngannu manga walahanna waine su manga wanua awagananna, i mangitou sarun maasingkatta manungku ete i Ya'u Mawu.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

MATIUS 10:3

Wua'udde i Filipus wuṛṛu i Bartolomeus, see i Tomas, see i Matius, mallal᷊uṛṛu wose, see i Yakobus ana'i Alfeus, wuṛṛu i Tadeus;

MATIUS 13:55

Wal᷊inewe i Tou ana'u waseng kalu? Wal᷊inewe i Maria udde inangnge; wuṛṛu manga tuṛṛangnge udde i Yakobus, i Yusuf, i Simon, wuṛṛu i Yudas?

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MARKUS 3:18

i Andreas, i Filipus, i Bartolomeus, i Matius, i Tomas, i Yakobus ana'i Alfeus, i Tadeus, i Simon Patriot,

LUKAS 22:30

Ringannu aroddi yamiu wotongnge lumuassa ringang-Ku su tempo i Ya'u maola'a Ratu. Wuṛṛu i yamiu sarun uma'ianna su atanggaṛṛanne su mapul᷊o dua adderan araratuanna wuṛṛu mamarenta mapul᷊o dua walahannu taumatan Israel.”

LUKAS 6:15

i Matius wuṛṛu i Tomas, i Yakobus ana'i Alfeus, wuṛṛu i Simon (isassago lai i Patriot).

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 7:35

See manga tembonannu Yahudi uawawisarate sangkatou ringannu waine, “Taumata indi inai suapa na'oman sara i ite tawe maasomba si Tou? Apa i Tou inai ringannu manga taumatan Yahudi apan uatana'a su wanua marau su wallattu taumatan Yunani, wuṛṛu mangngaṛṛa'a taumatan Yunani?

WATTI'U MANGA RASUL 1:13

Su Yerusalem i mangitou inaite watukku wal᷊e su tampa i mangitou mattindaho, see nirumanganna su wabbo'a ṛengkenne al᷊iurosone. Manga rasul eteudde i Petrus wuṛṛu i Yohanes, i Yakobus wuṛṛu i Andreas, i Filipus wuṛṛu i Tomas, i Bartolomeus wuṛṛu i Matius, i Yakobus ana'i Alfeus, i Simon Patriot wuṛṛu i Yudas ana'i Yakobus;

WATTI'U MANGA RASUL 12:17

I Petrus namasingkatta ringannu limane tadea'u i mangitou mallannaba, wua'udde i tou nabbati'e ereapa Mawu suete nangapiddi tou sinumabangnga wuassu tuttupanna. See i tou nabbisara, “Wal᷊oa'a hatto indi si Yakobus wuṛṛu su manga tuṛṛangnga waine lai.” Wua'udde i Petrus nanantangken tampa udde wuṛṛu inaite su tampa waine.

WATTI'U MANGA RASUL 15:13

Napawe i mangitou suete nabbisara, i Yakobus nabbisara, “Manga tuṛṛangnga! Padaringikka si ya'u.

WATTI'U MANGA RASUL 15:21

Ana waugu Tita Musa ro'en paarorone iwabbasa suapan allon Sabatta su manga wal᷊em pattataṛṛamawuanna wuṛṛu iapaasingkatta su anambon soa.”

WATTI'U MANGA RASUL 15:23

Suadio'a ringannu manga daroloṛṛanna udde, i mangitou napaapiddu suratta lai apan tingikke arendi, “Iwuna'a su anambon tuṛṛangnga wuassu manga walahanna waine apan wal᷊ine Yahudi, wuṛṛu uatana'a su Antiokhia, Siria, wuṛṛu Kilikia. Tabea wuassi yami, manga rasul wuṛṛu manga piaṛṛangnge, eteudde manga tuṛṛangngu.

WATTI'U MANGA RASUL 2:5

Su tempo udde manambo taumatan Yahudi, wuṛṛu wuassu al᷊awo'u wanua su ahewallu runia, natana'a su Yerusalem. I mangitou udde taumata matuṛṛutta Ruata.

WATTI'U MANGA RASUL 21:18

Tiṛṛabbine i Paulus inaite su adio'a ringanni yami mattembo si Yakobus; Manga piaṛṛa'u jamaatta uasemodda lai isudde.

WATTI'U MANGA RASUL 23:26

“Apan awantuhanne Gubernure Feliks. Tabea wuassi Klaudius Lisias!

WATTI'U MANGA RASUL 26:7

Ete pa'aire udde lai apan a'antimannu sire mapul᷊o dua walahannu Israel, na'oman sara i mangitou mangke mattaṛṛa Ruata allo wuṛṛu ṛabbi. Wuṛṛu ana waugu i ya'u mangngimanna paaire udde, Tuangnga apan mawantuga, i ya'u niapaasal᷊a manga taumatan Yahudi.

WATTI'U MANGA RASUL 8:1

Wuṛṛu i Saulus lulluassa lai su ola'u pamamate udde. Allo udde lai jamaatta su Yerusalem mannattake a'enggenanna, na'oman sara anambon taumata mangngimanna, tabene'e manga rasul, nassal᷊iawukke watukku ahewallu leta'u Yudea wuṛṛu Samaria.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

GALATIA 1:19

I ya'u tawe nassomba manga rasulle waine, tabbene'e Yakobus, tuṛṛangngu Mawu.

GALATIA 2:12

Paarorone i tou inuma'ianna u'anna suaddio'a ringannu manga tuṛṛanga apan wal᷊ine Yahudi. Arawe napawe manga taumata daroloṛṛani Yakobus narantate, i tou nassal᷊iu marau wuassu manga tuṛṛanganga apan wal᷊ine Yahudi wuṛṛu maddirite umanna suadio'a ringanni mangitou, ana waugu matta'uttu manga taumata apan maapulu anambon taumata udde sunatanna.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

TAHIUL᷊E 32:26

I Ya'u maapulu manginsue si mangitou tawe lambene, tadea'u i mangitou tate lai naunganna.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

FILIPI 1:1

Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

2 TIMOTIUS 4:21

Amungkangu wotongnge rantate tantal᷊anna taambe tempon masunge. Ebulus, Pudes, Linus, wuṛṛu Klaudia nandohon tabea mangitou si'o; aroddi lai anambon tuṛṛanga waine sulal᷊ummu pangangimanna sambau.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 7:4

See i ya'u niwal᷊oanna manungku reenganne 144.000 su atoune apan nionggol᷊annu tatialan segelu Ruata su pakkani mangitou. Manga taumata udde nianu wuassu sire mapul᷊o dua walahannu Israel;