TITUS 3:8 - WUKE SUSI WATTI'U AL᷊AL᷊USASSA

⁸ Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

TITUS 3:8 Iomraidhean Croise

DARALO 78:22

ana waugu i mangitou tawe mangimanna Ruata, su taṛṛino-Ne apan wotongnge manal᷊amatta si mangitou.

AMSAL 21:28

Tatiala awusu tawe pangimananna; arawe wisaran taumata apan masingkattu lal᷊annu hatto, sarun daringiṛṛanna.

MATIUS 20:4

Ne nabbisarate i tou si mangitou, ‘Roote yamiu pammanara su waillu anggore'u. I Ya'u sarun mamaekka si yamiu ringannu lal᷊antakke su ṛinone.’

YOHANES 12:44

See Mawu Yesus inumui, “Taumata apan mangngimanna si Ya'u, wal᷊inewe si Ya'u i tou mangngimanna, arawe si Tou apan nandolo-U.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

WATTI'U MANGA RASUL 12:15

“I'o wewa!” unni mangitou. Arawe i Rode mangke mangngattikka manungku udde atonna-tonna i Petrus. Ne i mangitou nabbisara, “Udde mala'ekanne!”

ROMA 4:5

Arawe pia taumata tawe mangantimma su manarane sassane; i tou mannantillu watanganne su Ruata apan napaal᷊iatta'a manungku taumata marosa sarun maal᷊iu wuassu passasal᷊ane. Pinangianannu pangangimanne udde Ruata nanarimmatta si tou maola'a taumata apan maal᷊uassa naungngu Ruata.

2 KORINTUS 4:13

Sulal᷊ummu Wuke Susi pia bisara arendi, “I ya'u mangngimanna ana waugu udde ya'u mabbisara.” Ne ringannu atatohassu mangngimanna ereudde lai, yami mabbisara ana waugu i yami mangngimanna.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

1 TIMOTIUS 1:15

Mangke atonna wisara indi – ana waugu udde ṛinone sengkamanna wuṛṛu pangimananna – : “Kristus Yesus nirumanta su runia indi ana waugu manal᷊amatta taumata marosa.” Wuṛṛu ete i ya'u taumata marosa apan lembon al᷊al᷊eoanne.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

TITUS 1:9

I tou ṛinone uaaggasa atonna al᷊aṛṛa'a apan wotongnge apangimananna, ere lai suete niaṛṛa'a si tou. Ringannu aroddi i tou wotongnge manantiro taumata ringannu al᷊aṛṛa'a su ṛinone, wuṛṛu mapaal᷊iatta'u pasasal᷊a manga taumata apan lullawangnga si Tou.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

TITUS 3:1

Paanaunga'a su manga lal᷊oṛṛon jamaatta tadea'u i mangitou matuṛṛuta manga piaṛṛange wuṛṛu tembonannu araratuanna, see matuṛṛuta wuṛṛu maapulu ma'ola'a manga inolaanna apan mapia.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

FILEMON 1:11

Dorone i tou tawe gunane si'o, arawe orassa indi i tou piate gunane, wal᷊ine tumba'u si'o sassane, arawe si ya'u lai.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.