TITUS 3:6 - WUKE SUSI WATTI'U AL᷊AL᷊USASSA

⁶ Ruata namobbokku Ghaṛṛaho-Ne si ite sulal᷊ummu Anang-Nge Yesus Kristus, Ratum Punnu Sal᷊amatti ite,

TITUS 3:6 Iomraidhean Croise

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

YOHANES 16:7

Arawe i Ya'u mamasingkatta atonna si yamiu: Mappianne si yamiu amungkangngu i Ya'u inai; ana waugu amungkangngu i Ya'u tawe inai, Mantatal᷊ungnga udde tawe rumanta ringanni yamiu. Arawe amungkangngu i Ya'u inai, i Ya'u sarun mandolokki Tou ringanni yamiu.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

WATTI'U MANGA RASUL 10:45

Manga taumatan Yahudi apan mangngimanna Mawu Yesus wuṛṛu taumata uatantalongnga si Petrus wuassu Yope, sarangkanambone naherangnga naasilo Ruata nangonggolu Ghaṛṛaho-Ne su manga taumata walahanna waine apan wal᷊ine Yahudi.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

TITUS 1:4

Titus, eteudde i'o atonna-tonna ana'u, ana waugu i'o wuṛṛu i ya'u suaddio'a suete nangimanna si Kristus. I ya'u mangantimma doronganna Ruata Iamangnga wuṛṛu Kristus Yesus Ratum Punnu Sal᷊amatti ite, mangonggolu al᷊amatta wuṛṛu paddarame si'o.