TITUS 3:5 - WUKE SUSI WATTI'U AL᷊AL᷊USASSA

⁵ I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.

TITUS 3:5 Iomraidhean Croise

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

AYUB 9:20

I ya'u satia wuṛṛu tawe ma'ola'a rosa, arawe moṛṛongku ereola'u mabbisara al᷊aṛṛaene; suapan bisara apan iaatokku wiwi'u, ereola'u mapaasal᷊an baddangku.

DARALO 130:7

Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

YESAYA 57:12

Arawe i Ya'u mamasingkatta si'o; pangangagamanu udde awusu, wuṛṛu anambon inolaannu udde tawe gunane si'o.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

LUKAS 1:54

I Tou nantul᷊ungngu Israel allang-Nge, tumuṛṛuttu pa'aire apan suete niolang-Nge ringannu iupungngu al᷊amonang kite.

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

LUKAS 1:78

Mawung kite naung-Nge masaṛṛionto'a wuṛṛu maakkanna; ana waugu manal᷊amatta si ite i Tou nirumanta. Ere matannallo sinumabbangnga su rua'allo,

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

ROMA 3:28

Ana waugu pangudusanne arendi: Taumata isaggo uaaukka apia ringannu Ruata, wal᷊inewe ana waugu i tou tuttuṛṛutta apa apan uawoṛṛetta sulal᷊ummu titan agama Yahudi, ewe'e ana waugu i tou mangngimanna Mawu Yesus Kristus.

ROMA 4:5

Arawe pia taumata tawe mangantimma su manarane sassane; i tou mannantillu watanganne su Ruata apan napaal᷊iatta'a manungku taumata marosa sarun maal᷊iu wuassu passasal᷊ane. Pinangianannu pangangimanne udde Ruata nanarimmatta si tou maola'a taumata apan maal᷊uassa naungngu Ruata.

ROMA 9:11

Tantal᷊anna ana'a darua udde taambe niasungkangnga, Ruata buatte nanantunnu al᷊aṛṛanang-Nge apan nipile manansunna. Pamamile Ruata udde tawe uaantimma apa apan wotongnge olaannu taumata, arawe uaantimma wawaggo Duata sassane. Ana waugu su tempo ana'i Ribka daruan katou esakka udde taambe maaola'a manara mapia ara'e lal᷊eo,

ROMA 9:16

Nariaddi, Ruata nakkawessa udde wal᷊inewe ana waugu su apulun taumata ara'e su pamamanaran taumata, ewe'e su apapia naungngu Ruata su taumata apan buatte nipile-Ne udde.

ROMA 9:30

Nariaddi, audusanne iwisara arendi: Manga walahanna waine apan wal᷊ine Yahudi tawe madea'a tadea'u paa'aukki mangitou ringannu Ruata maola'a apia. Arawe ana waugu i mangitou mangngimanna, ne Ruata na'ola'a paa'aukki mangitou ringanni Tou naola'a apia.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

GALATIA 2:16

Salaiwe aroddi yami masingkata manungku taumata nasasangkapian Duata tumba'u ana waugu mangngimanna si Yesus Kristus, wuṛṛu wal᷊ine ana waugu tuttuṛṛuta titan agama. I yami sassane lai mangngimanna Mawu Yesus Kristus tadea'u i yami masasangkapia Duata wuassu pangangimanni yami udde, wal᷊ine ana waugu mappaattu titan agama. Ana waugu mappaattu titan agama, tawe saran sangkatou masasangkapia apia ringannu Ruata.

EFESUS 2:4

Arawe aroddi ahewalle darangngun Duata! I Tou aroddi marangngu si ite,

EFESUS 4:23

Ṛinone ahewallu naungngu wuṛṛu ṛingiṛṛannu limbakkuanna.

EFESUS 5:26

Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

KOLOSE 3:10

I yamiu orassa indi suete nionggol᷊annu wiakka wakku. I yamiu taumatate wakku, apan sidutu lallimbakuannu mandiriaddine eteudde Ruata, tumuṛṛuttu pahudde sassane. Pandumanne eteudde tadea'u i yamiu maaillal᷊a Ruata ringannu mapia-pia.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

TITUS 3:4

Arawe Ruata, Punnu Sal᷊amatti ite napaal᷊iatta'u darangngu-Ne wuṛṛu apapian naung-Nge si ite.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

IBRANI 6:6

Arawe wua'udde i mangitou nassinaadu Mawu! Apa wotongnge mangaṛṛa'a si mangitou apia mawal᷊u wuassu manga rosa mangitou. Ana waugu i mangitou tantal᷊anna mangngarussan Ana'u Ruata apia wuṛṛu manggal᷊usa'a si Tou su saruannu awada'alla.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,