TITUS 3:11 - WUKE SUSI WATTI'U AL᷊AL᷊USASSA

¹¹ I'o masingkate manungku taumata ereudde lal᷊eo wuṛṛu manga rosane mapaal᷊iatta'a manungku i tou nassal᷊a.

TITUS 3:11 Iomraidhean Croise

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

LUKAS 7:30

Arawe manga taumatan Farisi wuṛṛu manga hurun agama maddiri manengkamma ṛiinnu Ruata su wadangngi mangitou. I mangitou maddiri saṛṛanianni Yohanes.

YOHANES 3:18

Taumata apan mangngimanna si Tou tawe iṛṛuumanna. Arawe taumata apan tawe mangngimanna suete niṛṛuumannu Ruata, ana waugu i tou tawe mangngimanna Ana'u Ruata apan tinggassa udde.

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

WATTI'U MANGA RASUL 23:25

See tembonannu tantara udde namoṛṛetu suratta tingikke ereindi,

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

TITUS 1:11

Manga taumata ereudde ṛinone sappingana moṛṛonge, ana waugu i mangitou mannongkakku anambon amonanna ringannu manga al᷊aṛṛa'a apan lal᷊eo. I mangitou ma'ola'a udde tumba'u ana waugu maapulu maddea'a auntunganna apan tawe su ṛinone!

TITUS 1:14

wuṛṛu tate lai mangngimanna manga watti'u wa'en Yahudi ara'e manga atoranna apan niola'u manga taumata maddirin al᷊aṛṛa'a apan naṛṛino udde.

IBRANI 10:26

Ana waugu amungkangu watti'a apan atonna wuassu Ruata suete niapassingkata si ite, arawe i ite sidutu ma'ola'a rosa ringannu apulu naungnga, ne tate lai sasamba ipamappasa rosang kite.