TITUS 2:3 - WUKE SUSI WATTI'U AL᷊AL᷊USASSA

³ Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

TITUS 2:3 Iomraidhean Croise

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ROMA 16:2

Tarimmata'e i tou ere sangkatou wuassu jamaattu Mawu. Ne aroddite manga taumata apan mangngimanna Ruata ṛinone uatatarimmata sangkatou ringannu sangkatou. Tul᷊ungaawe i tou, amungkangngu i tou mappandumma sasumbala wuassi yamiu, ana waugu i tou sassane suete nangonggolu sumbala su taumata nambo – nareengnga lai ya'u.

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

1 TIMOTIUS 5:23

Arie lai tumba'u ma'inumma ua'e; pa'inumma lai anggore addio'a ipallal᷊ima tinainu mammanara, ana waugu i'o masokka rumadda'a.

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

TITUS 2:4

tadea'u ringannu al᷊aṛṛa'a udde i mangitou wotongnge maapangaṛṛa'a manga maṛṛuala mandangngu awingnge wuṛṛu al᷊aṛṛanangnge,

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.