TITUS 2:2 - WUKE SUSI WATTI'U AL᷊AL᷊USASSA

² Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

TITUS 2:2 Iomraidhean Croise

AYUB 12:12

Wattingnge, asingkatta pia su taumata apan timmadete, arawe asingkatta wuṛṛu atatohassa tumba'u pia su Ruata. Naudde pasasunna tumba'u pia su taumata apan timmadete, arawe pasasunna wuṛṛu taṛṛino tumba'u pia su Mawu sassane!

DARALO 92:14

I mangitou naal᷊ihidda punnu alu apan nisuanna su Wal᷊en Mawu, wuṛṛu sinumindumunna su Wal᷊en Ruatan kite,

AMSAL 16:31

Taumata matul᷊idda sarun onggol᷊annu uukka mal᷊o'engnga; owanne naal᷊ihidda mahkota apan mawantuga.

YESAYA 65:20

Al᷊aṛṛanangnge taweddu nate ta'e maradio'a, wuṛṛu timmadde sarun ma'oman uukka mal᷊o'engnga. Taumata apan uukke maṛṛasutta su tonnane ellehanna ere saṛṛentumuwo, wuṛṛu apan nate taambe sutempo udde, naṛṛinoannu ṛuumang-Ku.

IMAMATTA 19:32

Arega'a wuṛṛu aaddate manga timmade. Rinone i yamiu maaddata wuṛṛu matta'u-U, ana waugu ete i Ya'u Mawu.

MARKUS 5:15

I mangitou nirumantate ringannu Mawu Yesus, see na'ellega taumata apan tanginna niasuttannu ghaṛṛaho lal᷊eo udde, tantal᷊anna ua'ianna isudde. I tou suete napedetta, wuṛṛu ṛingiṛṛanne lai masemakke. Ne i mangitou sarangkanambone nata'utte.

LUKAS 8:35

See manga taumata nampassabangnga ma'ellega apa apan suete nariaddi. I mangitou nirumanta ringannu Mawu Yesus, wuṛṛu isudde i mangitou naaratingnga taumata apan napallosse wuassu manga ghaṛṛaho lal᷊eo udde tantal᷊anna ua'ianna maranin ledda Mawu Yesus. I tou ualuṛṛeten laubba wuṛṛu ṛingiṛṛanne masemakke. I mangitou nata'utta.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

1 KORINTUS 9:25

Suapan taumata apan sulal᷊ummu latihanna, uatataṛṛanga al᷊awo'u apulu. I tou na'ola'a udde ana waugu i tou maapulu eleannu wunga tatiala na'untungnga, eteudde wunga apan mal᷊ihakka tumolangnga. Arawe i ite indi uatataṛṛanga sulal᷊ummu al᷊awo'u apulu, ana waugu i ite maapulu eleannu wunga apan tawe tumolangnga.

2 KORINTUS 5:13

Amungkangngu i yami atonna aasiloanna nabbewate, udde ana waugu manara Ruata. Wuṛṛu amungkangngu i yami aasiloanna ṛingiṛṛanna masemakka udde ana waugu hunane si yamiu.

GALATIA 5:23

i mangitou masaṛṛionto'a, wuṛṛu wotongnge maataṛṛangnga apulun naungnga. Tawe titan agama apan manningaddu manga inolaanna ereudde.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 TESALONIKA 5:6

Ana waugu udde imbaṛṛangnga i ite tumba'u mattiilla ere taumata waine. I ite ṛinone uariagga wuṛṛu ṛingiṛṛanni ite ṛinone masemakka.

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 TIMOTIUS 3:11

Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 TIMOTIUS 3:4

Ṛinone i tou masingkata mangatokku lal᷊oṛṛon bal᷊ene ringannu mapia, wuṛṛu mangaṛṛa'a al᷊aṛṛanangnge matuṛṛuta wuṛṛu maadatta si tou.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

1 TIMOTIUS 5:1

Arie i'o tumaniten maṛṛagissa mamul᷊o taumata mattimmaranna wuassi'o arawe ahei i tou maddaringikka wisaranu, olaawe i tou ere iamangngu. Aroddi lai manga taumata umbasanna, maṛṛuala, olaawe ere tuṛṛangu,

TITUS 1:13

Apa apan suete niwisara nabi udde mangke atonna. Ana waugu udde ṛinone i'o managu si mangitou ringannu maṛṛagissa; tadea'u i mangitou siddutu uaagassa al᷊aṛṛa'a su ṛinone,

TITUS 1:8

Ṛinone i tou mal᷊uassa manarimmattu taumata su wal᷊ene, maapulu manga inolaanna apan mapia, wotongnge maṛṛadannu aapulun naungnge, matul᷊idda, susi wuṛṛu ma'uddupa.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

FILEMON 1:9

Arawe ana waugu i ya'u marangngu si'o, i ya'u tumba'u maddorongnga. I ya'u indi sangkatou timmadde wuṛṛu orassa indi ta'e tataṛṛanganna sulal᷊ummu tuttupanna ana waugu Kristus Yesus.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

2 PETRUS 1:6

wuṛṛu su liuddu pia asingkatta, i yamiu lai wotongnge maaul᷊inna apulu naungngu. Wuṛṛu su liudde maaul᷊inna apulu naungnga, ṛinone lai yamiu mandiagga ririnu ana see masabbare sumaruanna al᷊awo'u manimmala. Su liuddu masabare sumaruanna al᷊awo'u manimmala, i yamiu lai ṛinone mabbiakka tuttuṛṛuta apulun Duata.