TITUS 2:12 - WUKE SUSI WATTI'U AL᷊AL᷊USASSA

¹² Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

TITUS 2:12 Iomraidhean Croise

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

DARALO 4:3

Ei manga taumata, ta'e pira allo lai al᷊annune i yamiu mallobbosa Ruata'u? ma'oman sara tingera i yamiu mandangngu apa tawe gunane wuṛṛu mangenggenna apa apan nassal᷊a?

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

LUKAS 1:75

sidutu mattaṛṛamawu si Tou wuṛṛu mapa'al᷊uassu naung-Nge su al᷊o'engngu pabbiaṛṛanni ite.

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

YOHANES 6:25

Napawe manga taumata udde nassombate Mawu Yesus su samba'an rano, i mangitou naiwal᷊o si Tou, “Iamangnga Huru, ro'en angngera Iamangnga na'oma isindi?”

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

1 TESALONIKA 4:9

Tate gunane lai yami mamoṛṛettu suratta si yamiu su ola'u ereapa i yamiu ṛinone mandangngu manga tuṛṛangnga apan sambau su pangangimanna. I yamiu sassane suete niaṛṛaannu Ruata ana see i yamiu uararangngu.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 TIMOTIUS 6:9

Arawe taumata apan maapulu maola'a ala, inawono'anna wuṛṛu niasamettu al᷊awo'u aapulu apan woddo wuṛṛu mandal᷊eo. Manga aapulu udde ma'ola'a taumata maṛṛimunsa'a wuṛṛu masilaka.

2 TIMOTIUS 3:12

Atonna anambon taumata apan maapulu mabbiakka mattaṛṛamawu, wuṛṛu mabbiakka uaaukka ringanni Kristus Yesus sarun sansaranna,

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

IBRANI 8:11

I mangitou salaiwe lasa'e mangaṛṛa'a hawene lal᷊oṛṛon soa, ara'e mamasingkata tuṛṛangnge, ‘Illal᷊aite Mawu,’ Ana waugu i mangitou sarangkanambone, timmade, dario'a, sarun maa'illal᷊lal᷊a si Ya'u.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 PETRUS 3:11

Ana waugu sarangkanambone udde sarun ṛimunsaanna ringannu olangnge apan aroddi, ereapate ṛinone i yamiu mabbiakka? I yamiu mabbiakka susi wuṛṛu hunane tumba'u su Ruata sassane,

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

1 YOHANES 2:6

Isai-sai nabbisara manungku i tou mabbiakka uaaukka ringannu Ruata, i tou ṛinone mabbiakka manantuṛṛutta lempangi Kristus.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

YUDAS 1:18

I mangitou namasingkatta paarorone si yamiu manungku maddanin allon panginsueanne sarun rumanta manga taumata apan sarun mangal᷊uandaga si yamiu, eteudde manga taumata apan mabbiakka tuttuṛṛutta apulun mangitou apan marosa.

SONDAPPA 14:12

Sulal᷊ummu olangnge indi walahannu Ruata apan matuṛṛuta su manga parentan Ruata wuṛṛu matuṛṛuta Mawu Yesus, ṛinone matammuda.