TITUS 2:11 - WUKE SUSI WATTI'U AL᷊AL᷊USASSA

¹¹ Ana waugu Ruata suete napaal᷊iatta'u darangngu-Ne ipanal᷊amatta anambon taumata.

TITUS 2:11 Iomraidhean Croise

DARALO 67:2

Antimanna Ruata mandangngu wuṛṛu mangal᷊amatta si ite, antimanna i Tou ma'ellega si ite ringannu sasaṛionto'u naungnga.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 96:10

Wattia'e su manga walahanna, “Mawu udde Ratu! Runia matohassa tawe ia'io'a; i Tou sarun makkuungngu manga walahanna ringannu atatul᷊idda.”

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 4:7

Alanganna ere ahewallu wowone lai sarun mairu wuassu saruannu. I'o sarun mabbangunna apia Wal᷊e-U, wuṛṛu sutempo i'o mangaddon batu paarorone su tempane, manga taumata sarun mabbisara ‘Aṛṛamagawe eteapa! ’ ”

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

LUKAS 3:6

Manga taumata su ahewallu runia sarun ma'ellega Ruata manal᷊amatta taumata!’ ”

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:9

Semakka tutune apan mannemakka anambon taumata, nirumanta su runia.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 13:43

Napawe manga taumata sinumabangke wuassu wal᷊em pattataṛṛamawuanna udde, i Paulus wuṛṛu i Barnabas nitantalongannu manambo taumatan Yahudi wuṛṛu taumatam walahanna waine apan suete sinumutta agaman Yahudi. Ne manga rasul udde nangaṛṛa'a si mangitou tadea'u i mangitou sidutu uaantimma al᷊amattu Ruata.

WATTI'U MANGA RASUL 13:47

Ana waugu indi parenta Mawu si yami: Mawu nabbisara, ‘I Ya'u suete namile si yamiu maola'a semakka su manga taumata waine apan wal᷊ine Yahudi, tadea'u i yamiu mangapiddu asasal᷊amatta su ahewallu runia.’ ”

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

ROMA 5:15

Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

EFESUS 2:8

Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

2 TIMOTIUS 1:10

Wuṛṛu orassa indi, Ruata napaal᷊iatta'u al᷊amanlle si ite ringannu darantan Ratun Punnu Sal᷊amatti ite Kristus Yesus. Mawu Yesus napassuṛṛubawan taṛṛinon papate wuṛṛu nangapiddu wiakka sarangkal᷊o'enge sulal᷊ummu Watti'u Al᷊al᷊uassa udde.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.