TITUS 1:6 - WUKE SUSI WATTI'U AL᷊AL᷊USASSA

⁶ Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

TITUS 1:6 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

AMSAL 28:7

Umbasanna apan matuṛṛutta tita uddewe taumata pande. Arawe taumata apan uahahawen taumata mawoso mammasili iamangnge.

YEHEZKIEL 44:22

Manga imam tumba'u wotongnge maawingngu maṛṛualan Israel apan ta'e perawanna ara'e sangkatou inawal᷊uannu imam. I mangitou tawe wotongnge maawingngu wawine apan nisindoanna.

IMAMATTA 21:7

Sangkatou imam tawe wotongnge ma'awingngu sangkatou wawine apan buatte sinumandaga ara'e sangkatou wawine apan tate lai susi ara'e buatte nasasindo, ana waugu imam udde tatahuanang-Ku.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

LUKAS 1:5

Napawe i Herodes naola'e ratu su leta'u Yudea, pia sangkatou imam aranne i Zakharia. I tou nasutta su wageangngu manga imam Abia. Awingnge aranne i Elisabet, i tou lai papapulunnu imam.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

1 TIMOTIUS 3:12

Masasumabala jamaatta ṛinone awingnge tumba'u sambau. Ṛinone i tou masingkata mangatokku al᷊aṛṛanangnge wuṛṛu lal᷊oṛṛon wal᷊ene ringannu mapia.

TITUS 1:10

Ana waugu manambo taumata apan maapulu mabbawul᷊o, lembonete manga taumata apan dorone agamane Yahudi; i mangitou mangngawusu taumata waine ringannu aawusu mangitou.

1 SAMUEL 2:11

Ana see i Elkana wuṛṛu amonanne napul᷊ete watukku Rama, arawe i Samuel, ana'a udde, natana'e su Silo wuṛṛu mangngimbe Mawu su al᷊ungngu lu'addi Imam Eli.

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.