TITUS 1:12 - WUKE SUSI WATTI'U AL᷊AL᷊USASSA

¹² Suete su paassa nabi mangitou sassane, inarantanne wuassu Kreta lai, nabbisara, “Manga taumatan Kreta siddutu mangngawusu, wuṛṛu ere winatangnga mal᷊aṛṛaga apan a'ombanganna wuṛṛu wolo'a.”

TITUS 1:12 Iomraidhean Croise

WATTI'U MANGA RASUL 17:28

Ere lai su wisaran taumata, ‘I ite wiakka wuṛṛu u'al᷊ore wuṛṛu uatana'a su runia indi ana waugu taṛṛinon Tou.’ Ere lai iwabal᷊o manga taṛṛa sasanato'i yamiu, i mangitou mabbisara, ‘Ete i ite sarangkanambone udde al᷊aṛṛanang-Nge.’

WATTI'U MANGA RASUL 2:11

pia manga taumatan Yahudi wuṛṛu pia lai manga taumatam walahanna waine apan suete sinumutta agaman Yahudi; pia lai nirumanta wuassu Kreta wuṛṛu Arab. I ite sarangkanambone maaringikka i mangitou mabbisara sulal᷊ummu wisarang kite sambau-sambau su ola'u hatto apan ma'aherangnga apan niola'u Ruata!”

WATTI'U MANGA RASUL 27:12

Tatul᷊ianna isudde tumaniten dal᷊eo su manga apalla apan mabal᷊ango su tempo masunge. Ana waugu udde anamboanne mammanarang kapalla mappulute massenggota apia manantangngu tatul᷊ianna udde, ana waugu i mangitou ma'apulu maddea'a ma'omate su Feniks wuṛṛu matana'a poiaroddi al᷊annune napawe tempon runia masunge nal᷊iudde. Feniks eteudde tatul᷊ianna su Kreta apan uasaruanna anginna taṛṛanganna wuṛṛu anginna pal᷊onna.

WATTI'U MANGA RASUL 27:13

Su tempo udde anginna timukka tuttiuppe masi'ome. Ne mamamanarang kapalla maṛṛangngo manungku i mangitou wotongngete massenggota apia. Ne i mangitou nabatunte wal᷊ango see nassenggotte rudurukka apannu taṛṛanusan Kreta.

WATTI'U MANGA RASUL 27:7

Manga pira allo al᷊annune i yami massenggota tumanite mal᷊iwue atonna, wuṛṛu ringannu masahadda atonna panginsueanne i yami na'omate araune sara soan Knidus. Wua'udde ana waugu hatin banua ta'e lal᷊eo, i yami tawe nanassu pasasenggotti ami su mona paarorone. Ne i yami nassenggotte watukku timukka su taṛṛanusan Kreta su mabbi tongokku Salmone tadea'u i yami tawe aṛṛinoannu anginna.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

TITUS 1:5

I ya'u manantangngu su Kreta tadea'u i'o wotongnge mangatokku manga manara apan ta'e wotongnge iaatokka. Wuṛṛu tadea'u lai i'o mamile manga piaṛṛa'u jamaatta su al᷊awo'u soa. Wuṛṛu paanaunge manga tantiro'u indi:

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.