TITUS 1:10 - WUKE SUSI WATTI'U AL᷊AL᷊USASSA

¹⁰ Ana waugu manambo taumata apan maapulu mabbawul᷊o, lembonete manga taumata apan dorone agamane Yahudi; i mangitou mangngawusu taumata waine ringannu aawusu mangitou.

TITUS 1:10 Iomraidhean Croise

MATIUS 23:14

Nasilakate i yamiu manga hurun agama wuṛṛu manga taumatan Farisi: I yamiu taṛṛa lilangkamal᷊e'a. I yamiu mangngawusu manga wawine wal᷊u wuṛṛu mangngaṛṛo wal᷊ene wuṛṛu tadea'u maawunin al᷊al᷊eo udde, i yamiu u'al᷊iomanna mal᷊o'e-l᷊o'engnga. Ana waugu udde ṛuumanni yamiu sal᷊immurine awakkatanne!]

WATTI'U MANGA RASUL 11:2

Wua'udde napawe i Petrus inaite watukku Yerusalem, manga taumatan Yahudi apan suete nangngimanna udde, mapaasal᷊am Petrus.

WATTI'U MANGA RASUL 15:1

Manga pira taumata wuassu Yudea nirumanta su Antiokhia wuṛṛu mangngaṛṛa'a manga taumata mangngimanna su Antiokhia udde manungku amungkangngu i mangitou tawe sunatanna tumuṛṛuttu Tita Musa, i mangitou tawe masal᷊amatta.

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

WATTI'U MANGA RASUL 20:29

Su al᷊al᷊iu'u, sarun dumanta manga serigala apan waṛṛani su pattangngani yamiu. Wuṛṛu manga taumata apan rariaganni yamiu udde maola'a inassu manga serigala udde.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

1 TIMOTIUS 1:4

Wal᷊oa'a si mangitou tadea'u ariete lai maddaringikka manga wa'e wuṛṛu manga watti'u arariaddiannu walahanna apan tawe panginsueanne. Sarangkanambone udde tumba'u mandantan pabbawawul᷊o, wuṛṛu tawe mappaamattu pandumannu Ruata apan tumba'u wotongnge aillal᷊anna sulal᷊ummu pangangimanna si Tou.

1 TIMOTIUS 1:6

Pia sambageanganna taumata apan maddirite mabbiakka ereudde lai, wuṛṛu inumal᷊iwute sulal᷊ummu pattatiakka apan tawe gunane.

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

2 TIMOTIUS 4:4

I mangitou sarun maṛṛapinga tal᷊inga su watti'a atonna, arawe sarun maddaringikka wa'e tawe gunane.

TITUS 1:6

Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

1 YOHANES 2:4

Taumata apan mabbisara, “I ya'u maaillal᷊a Ruata,” arawe maddiri tumuṛṛutta manga parenta-Ne, taumata udde taṛṛa wahia, wuṛṛu Ruata tawe sulal᷊ummu naungnge.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

SONDAPPA 2:6

Arawe pia sambau apapia si yamiu, eteudde: I yamiu maddantinu pallal᷊agu mallal᷊aṛṛenggenni Nikolaus apan iaaranting-Ku lai.