TAHIUL᷊E 9:9 - WUKE SUSI WATTI'U AL᷊AL᷊USASSA

⁹ I ya'u sinuma'a wowone tadea'u manengkamma watun pa'aire apan niola'u Mawu si yamiu. Appatu pul᷊o su allone wuṛṛu appatu pul᷊o su ṛabbine al᷊annune i ya'u uatana'a su puiddu wowone udde ringannu tawe umanna ara'e ma'inumma.

TAHIUL᷊E 9:9 Iomraidhean Croise

1 MARARATU 19:8

I Elia napu'o, ana see niumanna wuṛṛu na'inumma. Ne i tou nabbal᷊i matohassa wuṛṛu wotongnge umamatta appatu pul᷊o su allone al᷊annune watukku Wowon Sinai, tampan Duata maipasilon batangan-Ne.

2 MARARATU 6:22

“Arie,” sasimbakki Elisa. “Ewe'e lai tantara apan niasametti Tuanga sulal᷊ummu pangalo udde tawe pateanni Tuanga, nangillembo lai indi. Onggol᷊eten anna wuṛṛu painuma'e i mangitou, ana see wala'e i mangitou mapul᷊e ringannu ratun mangitou.”

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 24:15

I Musa sinumaate Wowon Sinai, ana see i tou nioopannu winabbawa.

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 34:28

Appatu pul᷊o su allone appatu pul᷊o su ṛabbine i Musa uatana'a isudde suadio'a ringannu Mawu, wuṛṛu su al᷊annune udde i tou tawe umanna wuṛṛu tawe ma'inumma. Manga wisara pa'aire udde, eteudde Mapul᷊o Titan Duata, niwoṛṛetti su watu.

MATIUS 4:2

Appattu pul᷊o su allone appattu pul᷊o su ṛabbine Mawu Yesus tawe umanna. Wua'udde i Tou naapendampe lunussa.

GALATIA 4:24

Indi wotongnge ipaatta maola'a sambau sasumandinga. Ruan katou wawine udde, paṛṛimaunnapa darua paaire: sambau wuassu Wowon Sinai – eteudde Hagar; al᷊aṛṛanangnge niasungkanga maola'a allangnga.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

TAHIUL᷊E 9:11

Ore, napawe nal᷊iute appatu pul᷊o su allone wuṛṛu aapatu pul᷊o su ṛabbine, Mawu nangonggolu darua watu pa'aire udde si ya'u.

TAHIUL᷊E 9:15

Ana see i ya'u nanaile, wuṛṛu nangapiddu darua watu pa'aire ringannu lima'u ruan ba'an, i ya'u sinumossokka wuassu wowone apan tantal᷊anna lukkenggamma.

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.