TAHIUL᷊E 9:7 - WUKE SUSI WATTI'U AL᷊AL᷊USASSA

⁷ Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

TAHIUL᷊E 9:7 Iomraidhean Croise

SASABANGNGA 14:10

Napawe taumatan Israel naasilo ratu Mesir wuṛṛu tantarane nirumanta, i mangitou mangke nata'utta wuṛṛu mangngintul᷊i maiontolla su Mawu.

SASABANGNGA 14:11

Unni mangitou si Musa, “Apa su Mesir tawe labbingnga, na'oman sara i'o nangapiddi yami tadea'u mate su tampa indi? Pa'ellege ana waugu inolaannu udde!

SASABANGNGA 16:2

Su wadda'a udde i mangitou sarangkanambone sussawutulla si Musa wuṛṛu si Harun.

SASABANGNGA 17:2

Ana see i mangitou sussawutulle si Musa wuṛṛu nabbisara, “Yami onggol᷊ewen ua'e pa'inumanna.” I Musa sinumimbakka, “Anio i yamiu sussawutulla wuṛṛu mannal᷊u'atta Mawu?”

SASABANGNGA 23:21

Paddaringikka wuṛṛu paatuṛṛutta si tou. Imbaṛṛangnga lumawangnga si tou ana waugu i tou daroloṛṛang-Ku, wuṛṛu i tou tawe mangampungnga pasasal᷊anu.

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YEREMIA 44:9

I yamiu naabul᷊iten anambon al᷊al᷊eo su leta'u Yehuda wuṛṛu su manga lal᷊annu soan Yerusalem apan buatte niola'u al᷊amonanu, manga ratun Yehuda wuṛṛu manga awingnge, see i yamiu wuṛṛu manga awingngi yamiu?

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

REENGANNA 11:4

Sulal᷊ummu amatannu manga taumatan Israel udde, pia lai manga taumata raho apan tinumantalongnga. I mangitou mal᷊utu uminassa ṛemessa, wuṛṛu taumatan Israel manattakke sussamboṛṛe. Unni mangitou, “Uare, annama'e i ite awuṛṛu pia ṛemessa!

REENGANNA 14:22

manungku wuassu manga taumata indi tawe saran sangkatou apan ta'e wiakka sumutta su wanua apan Ta'u pina'ire su iupungngu al᷊amona mangitou. Ana waugu i mangitou maddiri tumuṛṛutta si Ya'u, wuṛṛu sidutu mammal᷊intongnga si Ya'u. Sumbal᷊i i mangitou naasilote semaaka wuassu Mawu apan lullansiangnga, wuṛṛu manga al᷊aṛṛindu'a apan Ta'u niola'a su Mesir wuṛṛu su wadda'a.

REENGANNA 17:10

Wua'udde Mawu nabbisara si Musa, “Addoa'e apia ta'inni Harun su saruannu Wantallu Pa'aire. Ta'inna udde ṛinone sahipunanna maola'a pananaunganna su taumatan Israel, apan apulune lullawangnga udde manungku i mangitou sarun mate amungkangngu i mangitou sidutu sussamboṛṛe.”

REENGANNA 21:5

wuṛṛu sussamboṛṛete su Ruata wuṛṛu si Musa. I mangitou nabbisara, “Anio I'o nangapiddi yami sinumabbangnga wuassu Mesir? Apa tadea'u mamate si yami su wadda'a indi? Isindi tawe anna, wuṛṛu ua'e lai tawe. Yami nuallen anna apan mal᷊esabba indi!”

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

TAHIUL᷊E 9:4

Napawe Mawu Ruatanu buatte nallimbuakka si mangitou hunan kamiu, arie massunna manungku i yamiu niapiddi Tou inaiaroddi iapatahuanna leta'a udde ana waugu i yamiu tuttuṛṛutta apulun Mawu Ruatanu na'oman sara i yamiu suṛṛinone manengkamma leta'a. Mangke tawe! Mawu nallimbuakka manga walahanna udde hunan kamiu ana waugu i mangitou lal᷊eo. Mawu namalan kamiu manahuanna leta'i mangitou, ana waugu i Tou ma'apulu manipussu pa'aire-Ne su iupungngu al᷊amonanu i Abraham, i Ishak wuṛṛu i Yakub.