TAHIUL᷊E 9:28 - WUKE SUSI WATTI'U AL᷊AL᷊USASSA

²⁸ Amungkangngu al᷊aranang-Ngu lai patteanna, ne taumatan Mesir sarun mabbisara manungku I'o tawe mapangapiddu walahan-Na watukku wanua apan nipa'ire-Nu si mangitou, wuṛṛu manungku I'o nangapiddi mangitou su wadda'a tadea'u mamate si mangitou, ana waugu I'o maddantinni mangitou.

TAHIUL᷊E 9:28 Iomraidhean Croise

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

REENGANNA 14:16

I'o namate al᷊aṛṛanang-Ngu su wadda'a ana waugu tawe mapangapiddi mangitou watukku wanua apan buatte nipa'ire-Nu.

TAHIUL᷊E 1:27

I yamiu sussamboṛṛe arendi, ‘Mawu maddantinni ite. Ne i Tou nangapiddi ite sinumabbangnga wuassu Mesir tadea'u manantilli ite sulal᷊ummu liman taumatan Amori tadea'u i mangitou mamate si ite.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

TAHIUL᷊E 9:27

Naungetewe manga allang-Ngu Abraham, i Ishak wuṛṛu i Yakub, wuṛṛu ariete pabbala'a su aattiku puane, al᷊al᷊eo wuṛṛu rosan balahanna indi.

YOSUA 7:9

Taumatan Kanaan wuṛṛu anambon taumata waine su leta'a indi sarun maaringikka olangnge udde. I mangitou sarun mamangalo wuṛṛu mamate si yami sarangkanambone! Ana see apa sarun olaannu tadea'u I'o sidutu a'addatanna?”