TAHIUL᷊E 8:8 - WUKE SUSI WATTI'U AL᷊AL᷊USASSA

⁸ Su wanua udde manambo wuan manga gandumma, anggore, wuan ara, wuan delima, alu zaitun wuṛṛu pul᷊a.

TAHIUL᷊E 8:8 Iomraidhean Croise

PANDARIADDI 49:11

Ana'u keledaine ni'iitti tou su punnu alu, punnu anggore apan apianne. I tou mabbansalla laungnge ringannu anggore, anggore maṛṛamu naal᷊ihidda daṛṛa.

2 SAMUEL 4:6

Wawine mandariaga wal᷊en udde aamatiil᷊anna sutempo mammaresi gandumma ana see i tou natiille. Ana waugu udde i Rekhab wuṛṛu i Baana naal᷊inso'a sinumutta.

1 MARARATU 5:11

Wuṛṛu su ipangonggollu anna su manga taumata lal᷊oṛṛon wal᷊en araratuanni Hiram udde, suapan tonna i Salomo manantilla si Hiram 322.500 su kilone gandumma wuṛṛu 4.400 litere lanan zaitun tutune.

2 MARARATU 18:32

ma'oman sara i yamiu ta'u iingkatta watukku sambau wanua apan lihidde ere wanuanu sassane. Poiaroddi pia baillu anggore, apan mangonggolu wuane si'o, wuṛṛu waillu ganduma hessine taponna maola'a wiakku. Su wanua udde pia manambo alun zaitun, lanan zaitun wuṛṛu pul᷊a. Amungkangu i yamiu tuttuṛṛutta sarangkanambone apan ta'u irolokka si yamiu, i yamiu sarun mabbiakka, tawe nate. Arie paddaringikka si Hizkia! I tou tumba'u mangngawusu si yamiu ringannu mabbisara manungku Mawu sarun manal᷊amatta si yamiu.

DARALO 147:14

I Tou mallu'adda wageangngu letangngu tadea'u sidutu mal᷊angnganna, wuṛṛu malluassa si'o ringannu gandumma apan apianne.

DARALO 81:16

Taumata apan maddantinnu Ruata sarun Ta'u iapasuṛṛubbawa, i mangitou sarun iṛṛuumanna saran mal᷊annu-l᷊annu.

YESAYA 7:23

Sutempo udde manga wawail᷊annu anggore apan sambau-sambau nisuanannu saṛṛiwu su punnene wuṛṛu aregane saṛṛiwu lai roitta sal᷊a'a, sarun tuwoannu aputta ṛoaanna.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEHEZKIEL 27:17

Yehuda wuṛṛu Israel nanu'addu saranapanu ringannu gandumma, pul᷊a, lanan zaitun wuṛṛu rampa-rampa.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

HABAKUK 3:17

Salaiwe alu ara tawe buane, wuṛṛu punnu anggore tawe anggorene, salaiwe pangangitingngu zaitun naasomba angngone wuṛṛu hessin gandumma su wawail᷊anna maadio'a naungnga, salaiwe manga domba nate abbi wuṛṛu tanda'u winatangnga papadul᷊iananna tawe loṛṛone,

REENGANNA 13:23

Ana see i mangitou na'omate su wawal᷊annu Eskol. Isudde i mangitou namopotta sandanna wuan anggore apan tumaniten mawakkata, na'oman sara ṛinone pasannanannu ruan katou su alu sambua. I mangitou lai nangapiddu manga pira wuan delima wuṛṛu wuan ara.

YOHANES 6:13

See i mangitou nangammullu mapul᷊o dua su ul᷊angnge napene lambeng kanna wuassu limam bau roti apan niannan taumata nambo udde.

YOHANES 6:9

“Isindi pia sangkatou ana'a esakka uaapiddu roti limam bau wuṛṛu inassa ruam bua. Arawe apa hunane su taumata anambone indi?”

TAHIUL᷊E 32:13

I Tou na'ola'a si mangitou uataṛṛino manga wowone; i mangitou u'anna hessin manga wawail᷊anna wuṛṛu ma'inumma pul᷊an ahuranganna wuassu wuiddu watu. I mangitou naasomba lana wuassu punnu alun zaitun apan tinumuwo su leta'a wabbatuanna.

TAHIUL᷊E 32:14

sapi wuṛṛu ambinga domba mangitou napasabbangngu manambo susu; winatangngi mangitou apianne, gandumma wuṛṛu ua'e anggori mangitou lembon apianne.

TAHIUL᷊E 6:3

Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

TAHIUL᷊E 8:7

Mawu Ruatanu nangapiddi yamiu su leta'a apan masuwukka; wanua apan manambo sal᷊ukke wuṛṛu al᷊imatan uae'ene, ringannu ua'ene sulal᷊ummu leta'a apan mangangelekka watukku manga wawal᷊anne wuṛṛu manga wuidda.

TAHIUL᷊E 8:9

Isudde i yamiu tawe amal᷊unusanna ara'e asueanne. Watu ṛanige ual᷊alluppa atta'a, wuṛṛu wuassu manga wuidde i yamiu wotongnge ma'al᷊i witu'a.