TAHIUL᷊E 8:5 - WUKE SUSI WATTI'U AL᷊AL᷊USASSA

⁵ Naungete, manungku Mawu Ruatanu mannantiro si yamiu naal᷊ihidda iamangnga mannantiro anangnge.

TAHIUL᷊E 8:5 Iomraidhean Croise

2 SAMUEL 7:14

I Ya'u sarun maola'a iamangnge, wuṛṛu i tou sarun maola'a ana-U. Amungkangu i tou ma'ola'a pasasal᷊a, i tou sarun Ta'u iṛṛuumanna ere sangkatou iamangnga makkuumannu anangnge.

DARALO 89:32

amungkangu i mangitou tawe maddaringikka tita-U wuṛṛu maddiriten atorang-Ku,

DARALO 94:12

Lal᷊umanna'a su taumata apan niaṛṛaan-Nu, oh Mawu, taumata apan niaṛṛaannu manga tita-Nu.

AMSAL 13:24

Tawe manggesekka ana'a, atappasanne tawe marangngu si tou; amungkangngu marangngu, ṛinone waṛṛani manggesekka si tou.

AMSAL 3:11

Napawe Mawu makkuumannu, ana'u, sengkammawe udde maoala'a sambau pannanaunganna, wuṛṛu ariewe naungngu sumassillu al᷊aṛṛang-Nge udde.

AMSAL 3:12

Mawu mammuulla taumata apan arangnguan-Ne, naal᷊ihidda sangkatou iamangnga mammuulla anangnge apan arangnguanne.

MANNANASE 7:14

Nariaddi, lalluasse amungkangngu i'o tantal᷊anna su lal᷊umanna'a. Arawe amungkangngu i'o niaṛṛiannu asasilaka, arie paabbul᷊iane manungku Ruata nangonggollu darua udde. I ite wegga apa apan sarun mariaddi manansunna.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YEHEZKIEL 12:3

Ana waugu udde, ei taumata apan mattate, tantal᷊anna allo ta'e allatune, pandiahite manga saranapanu su lal᷊ummu sambau wungkusanna ere inanaramanna a'olaannu taumatan buanganna. Tantal᷊anna ṛabbi taambe, tantanga'e wal᷊enu su saruanni mangitou ere taumata apan iapidda su pamamuanganna. Ola'e loṛṛangnga su darandungngu wal᷊enu ringannu aellehannu taumata mal᷊awangnga udde, wuṛṛu apira'e pinampiunanna apan lal᷊oṛṛoannu manga saranapanu udde see sabbangnga wuassu loṛṛangnga udde. Pasante pinampiunanna udde su wambangngu. Amatte sulal᷊ummu wasa tuudda; taapete matanu ma'oman sara i'o tawe maasilo lal᷊anna apan a'amatannu. Wala'e ahewallu walahannu Israel maasilo sarangkanambone apan niolangngu udde, tadea'u maola'a pananaunganna si mangitou. Asinungka i mangitou sarun maatinnau manungku i mangitou udde lumal᷊awangnga.”

YEHEZKIEL 18:28

I tou buatte naatutukka al᷊awo'u inolaanne ana see nangillol᷊ote ma'ola'a rosa. Ringannu aroddi i tou sarun tawe mate, ewe'e sidutu wiakka.

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

TAHIUL᷊E 1:31

wuṛṛu su wadda'a. I yamiu naasilo ereapa Mawu Ruatanu nangapiddi yamiu ringannu sal᷊amatta su al᷊o'engngu amatanna udde naddatingngu tampa indi, tawe paddaṛṛalanne naal᷊ihidda sangkatou iamangnga uasal᷊uru anangnge.

TAHIUL᷊E 4:23

Paanaunge paapia-pia! Imbaṛṛangnga maabul᷊in pa'aire apan niola'u Mawu Ruatanu si yamiu. Paatuṛṛutte parenta-Ne; saran paassa imbaṛṛangnga i yamiu mallanginnu al᷊awo'u paal᷊uanna tadea'u subbanna,

TAHIUL᷊E 4:36

Wuassu langitta i Tou napararingikku tingik-Ke si'o ipangaṛṛa'a si yamiu; su runia indi i Tou buatte namasilon putung-Nge apan bahewalla, wuṛṛu wuassu putungnga i Tou uahahatton kamiu.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 8:6

Nariaddi, pa'ola'e al᷊awo'u apa apan nirolokku Mawu Ruatanu. Pabbiakke tuttuṛṛutta manga tita-Ne wuṛṛu pangaddate si Tou.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.