TAHIUL᷊E 8:18 - WUKE SUSI WATTI'U AL᷊AL᷊USASSA

¹⁸ Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

TAHIUL᷊E 8:18 Iomraidhean Croise

1 TAWARIKH 29:12

Anambon pa'a'ala wuṛṛu lal᷊umanna'a darantane wuassu Mawu; al᷊awo'u riadianna I'o uataṛṛino ringannu atatohassa wuṛṛu taṛṛino apan atanggaṛṛanne; I'o uataṛṛino manenegu taumata maola'a taumata aaddatanna wuṛṛu matohassa.

2 TAWARIKH 25:9

“Arawe ereapa ringannu anambon sal᷊a'a apan buatte ta'u nionggola si mangitou?” aiwal᷊on Amazia. Nabi udde sinumimbakka, “Mawu wotongnge mamelengnga mannamboanna lai wua isudde!”

DARALO 144:1

Wuassi Daud. Paddalote Mawu, patatillumangku! I Tou nanantiro si ya'u masaseetta, wuṛṛu nangaṛṛa'a si ya'u mapapangalo.

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

MANNANASE 12:1

Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YEREMIA 23:27

I mangitou maṛṛingidda manungku ringannu manga wal᷊iawa apan iwabbatti'i mangitou udde, uma-U wotongnge maabul᷊i-U ere lai al᷊amona mangitou naabul᷊i-U wuṛṛu nassubba si Baal.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

TAHIUL᷊E 26:10

Ana waugu udde, oh Mawu, ta'u ionggola orassa indi hessine paarorone wuassu leta'a apan nionggolu Mawu si ya'u.’ Ana see addoa'e so'anna su saruannu Mawu Ruatanu, wuṛṛu passubbate si Tou.

TAHIUL᷊E 6:11

Manga wal᷊ene napenen saranapa apan mapia, wuṛṛu wal᷊ine i yamiu nalloṛṛo. I yamiu sarun maasangkalla manga paṛṛihi, wuṛṛu wal᷊ine i yamiu naal᷊i. I yamiu sarun maasomba manga waillu anggore wuṛṛu zaitun, arawe wal᷊ine i yamiu nassuanna. Napawe Mawu mangapiddi yamiu watukku wanua udde, i yamiu sarun maatahuanna al᷊awo'u iapaapulun kamiu annananna,

TAHIUL᷊E 7:12

“Amungkangngu i yamiu manutukka manga tita udde, wuṛṛu mapaamatta ringannu matammudda, ne Mawu Ruatanu lai sidutu matuṛṛutta su pa'aire-Ne apan niolang-Nge si yamiu. I Tou sarun mapal᷊iatta'u darangngu-Ne sidutu si yamiu, ere buatte nipa'ire-Ne su al᷊amonanu.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 8:1

“Anambon tita apan ta'u nionggola si yamiu allo indi ṛinone olaanni yamiu ringannu matuṛṛutta, tadea'u i yamiu sidutu wiakka, a'atambanna anambone wuṛṛu mamanua su leta'a apan pina'iren Mawu su iupungngu al᷊amonanu.

MAL᷊AṚṚUUNGNGA 3:7

Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.

MAL᷊AṚṚUUNGNGA 7:2

Mawu nabbisara si Gideon, “Tantaranu tumaniten manambo. I Ya'u maddiri mangonggolu auntunganna si yamiu su taumatan Midian, ana waugu antahanna i mangitou maṛingidda, manungku i mangitou naauntunga ana waugu atatohassi mangitou sassane, na'oman sara i mangitou tawe maddalo si Ya'u.

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.