TAHIUL᷊E 8:16 - WUKE SUSI WATTI'U AL᷊AL᷊USASSA

¹⁶ Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:16 Iomraidhean Croise

PANDARIADDI 22:1

Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

DARALO 119:68

Ana waugu I'o mapia wuṛṛu na'ola'a apapia, i ya'u aṛṛa'ewen manga tita-Nu.

SASABANGNGA 15:25

I Musa niumal᷊iomanna ringannu atonna-tonna su Mawu, ana see Mawu namantingidda si tou alu sampaddi. Alu udde nituntungngi Musa sulal᷊ummu ua'e, ana see ua'e udde nabbal᷊i maammi, na'oman sara wotongngete ia'inumma. Su tampa udde Mawu nangonggolu manga atoranna si mangitou, wuṛṛu isudde lai i Tou namono'a si mangitou.

SASABANGNGA 16:15

Napawe taumatan Israel naasilo, i mangitou wagga tanne apa udde. Ne i mangitou uaaiwal᷊ote sangkatou ringannu waine, “Apa udde?” Ana see i Musa nabbisara si mangitou, “Eteudde anna apan nionggolu Mawu si yamiu.

SASABANGNGA 16:31

Anna udde nisaggon taumatan Israel manna. Lihidde naal᷊ihidda watu maradio'a mawira wuṛṛu temangnge naal᷊ihidda kukisse niola'a nappaattu pul᷊a.

SASABANGNGA 16:4

Unnu Mawu si Musa, “Orassa indi Ya'u manossokku anna apan manambo naal᷊ihidda uranna si yamiu sarangkanambone. Miallo-miallo i yamiu ṛinone mangammulu anna udde tumba'u ipaatta allo massallo. Ringannu olangnge udde i Ya'u ma'annammu walahang-Ku tadea'u i Ya'u masingkatta tanne i mangitou matuṛṛutta manga parenta-U ara'e tawe.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

DANIEL 11:35

Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

TAHIUL᷊E 13:3

imbaṛṛangnga ma'ellega si tou. Mawu Ruatanu nappaattu taumata udde ipamono'a si yamiu, ipa'ellega tanne i yamiu atonna-tonna mandangngu Mawu ringannu ahewallu naungngu ara'e tawe.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.