TAHIUL᷊E 7:9 - WUKE SUSI WATTI'U AL᷊AL᷊USASSA

⁹ Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

TAHIUL᷊E 7:9 Iomraidhean Croise

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

PANDARIADDI 9:15

i Ya'u sarun mannaungnga pa'aire-U si yamiu wuṛṛu su al᷊awo'u riadianna biakka, eteudde manungku manawangnga tate lai mamate al᷊awo'a apan wiakka.

1 MARARATU 8:23

wuṛṛu niumal᷊iomanna, “Mawu, Ruatan Israel! Su langitta ara'e lai su runia taweddu ere I'o! I'o nanipussa pa'aire-Nu wuṛṛu napal᷊iatta'u darangngu-Nu su uman-Nu apan satia wuṛṛu matuṛṛutta ringannu ahewallu naungnga Si'o.

1 TAWARIKH 16:15

I Tou sidutu uanaungnga pa'aire-Ne, pa'aire-Ne iappa'amatta saran mal᷊annu-l᷊annu.

2 TAWARIKH 6:14

“Mawu, Ruatan Israel! Su langitta ara'e lai su runia taweddu ere I'o! I'o nanipussa paaire-Nu wuṛṛu napal᷊iatta'u darangngu-Nu su al᷊aṛanang-Ngu apan matammudda wuṛṛu matuṛṛutta ringannu ahewallu naungnga Si'o.

NEHEMIA 1:5

“Oh Mawu Ruata uataṛṛino su surga. I'o Ruata apan Wahewallua wuṛṛu i yami sumaruanna Si'o ringannu napenen apendamma matta'utta. I'o sidutu satia wuṛṛu uaagassa paaire-Nu su taumata apan marangngu Si'o wuṛṛu matuṛṛutta parenta-Nu.

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

DARALO 103:18

su taumata apan uaumbele paaire-Ne wuṛṛu ringannu maadunna tuttuṛṛutta parenta-Ne.

DARALO 105:8

I Tou sidutu uanaungnga paaire-Ne, paaire-Ne iapaamatta saran mal᷊annu-l᷊annu.

DARALO 119:75

I ya'u masingkatta manungku raṛṛawen-Nu matul᷊idda oh Mawu, I'o buatte nakkuumangku ana waugu apapia-Nu.

DARALO 146:6

Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 36:6

Mawu, darangngu-Nu ere atanggaku langitta, wuṛṛu atatul᷊iddu Mawu naddatingu winabbawa.

SASABANGNGA 20:6

Arawe i Ya'u mapal᷊iatta'u darangngu-U su ṛiwune papapulunnu manga taumata marangngu si Ya'u wuṛṛu matuṛṛutta tita-U.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YEREMIA 32:18

I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.

LAL᷊ALLU 3:23

sidutu wakku suapan marua allo atonna, Mawu tumaniten satia!

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

1 KORINTUS 10:3

I mangitou sarangkanambone u'anna annu ghaṛṛahon pangangimanna apan uasul᷊ungnga,

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

2 KORINTUS 1:18

Ringannu arannu Ruata apan apangngimananna, paaire'u si yamiu wal᷊inewe “Ore” wuṛṛu “Tawe”.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

TAHIUL᷊E 5:10

Arawe i Ya'u mapal᷊iatta'u darangngu-U su ṛiwune papapulunne wuassu manga taumata apan mandangngu si Ya'u wuṛṛu matuṛṛutta parenta-U.

1 TESALONIKA 5:24

Ruata, apan suete namaggo si yamiu, sarun ma'ola'a olangnge udde ana waugu i Tou tawe maabbul᷊i.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

2 TIMOTIUS 2:13

Amungkangu i ite mal᷊awangnga I Tou sidutu matuṛṛutta ana waugu i Tou tawe maapanompolla watangan-Ne sassane.”

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 11:11

Ana waugu mangngimanna, ne Abraham wotongnge naasomba walahanna wuassi Sara, salaiwe i Abraham tumaniten timmade, wuṛṛu Sara lai sassane tinna. I Abraham mangngimanna manungku Ruata sarun mapaatipussu pa'aire-Ne.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.

MAL᷊AṚṚUUNGNGA 5:31

Antimanna manga seen-Nu, oh Mawu, mate ere i Sisera, arawe anambon manga hawe-Nu mabbal᷊i wahewalla naal᷊ihidda matannallo su winalanganna! Wua'udde, wanua udde matammude appatu pul᷊o su tonnane al᷊annune.