TAHIUL᷊E 7:8 - WUKE SUSI WATTI'U AL᷊AL᷊USASSA

⁸ Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 7:8 Iomraidhean Croise

PANDARIADDI 19:16

I Lot niumal᷊iwu. Arawe Mawu niumakkanni tou; ana waugu udde ruan katou rahone nangehetta si Lot wuṛṛu awingnge see lai ruan katou anangnge watukku liuddu soa.

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

2 SAMUEL 22:20

I Tou nalliu'u wuassu asasilaka wuṛṛu nanal᷊amatta si ya'u ana waugu i Tou marangngu si ya'u.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

1 TAWARIKH 16:16

Pa'aire udde niolang-Nge ringanni Abraham, wua'udde ringanni Ishak,

2 TAWARIKH 9:8

Dalo su Mawu, Ruatan Tuangnga! Ringannu nanenegi Tuangnga naola'a ratu wuṛṛu mammarenta ringannu aran-Ne. I tou napal᷊iatta'a manungku aroddi apiane naung-Nge si Tuangnga. Ana waugu I tou marangngu ṛuangannu Israel wuṛṛu mappandumma tadea'u i mangitou sidutu wiakka, ne i Tou buatte nanenegi Tuangnga maola'a ratun mangitou, tadea'u i Tuangnga wotongnge mappaamattu tita wuṛṛu atatul᷊idda.”

DARALO 105:42

Ana waugu Mawu uananungnga paaire-Ne si Abraham, allang-Nge.

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.

DARALO 44:4

Leta'a udde tawe niaaṛṛon mangitou ringannu hal᷊ele; tawe ringannu atatohassa sassane i mangitou naauntunga, arawe ringannu taṛṛino wuṛṛu semakku daranta-Nu, ana waugu I'o uanaungnga al᷊aṛṛanang-Ngu.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

YESAYA 43:4

I'o maarega su mata-U, i Ya'u mangngareganu wuṛṛu marangngu si'o; ne i Ya'u nangonggollu taumata maola'a hahantinu, manga walahanna maola'a wawaekku niawanu.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YEHEZKIEL 36:22

Ana waugu udde, wal᷊oa'e apa apan i Ya'u Mawu Apan Atanggaṛṛanne nabbisara su walahannu Israel, ‘Apa apan sarun Ta'u olaanna sal᷊immurine wal᷊inewe ana waugu i yamiu, ei manga taumatan Israel, ewe'e ana waugu arang-Ku apan na'ukkassa, apan buatte nilal᷊eong kamiu watuakkuapa i yamiu inai.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

MALEAKHI 1:2

Mawu nabbisara su uman-Ne, “I Ya'u marangngu si yamiu.” Arawe i mangitou sinumimbakka, “Ereapa Mawu mandangngu si yami?” Mawu sinumimbakka, “Wal᷊inewe Esau iaangngi Yakub? Arawe i Yakub Ta'u arangnguanna,

MATIUS 11:26

Eteudde ma'al᷊uassa naungngu Iamangnga.”

LUKAS 1:55

Mawu tawe maabul᷊im pa'aire-Ne, i Tou marangngu si Abraham wuṛṛu papapulunne ma'oman sara mal᷊annu-l᷊annu.”

ROMA 11:28

Ana waugu taumatan Yahudi maddiri manengkamma Watti'u Al᷊al᷊uassa wuassu Ruata, ne i mangitou naola'a seettu Ruata; wuṛṛu udde maola'a auntungannu manga tuṛṛangnga apan wal᷊ine Yahudi. Arawe ana waugu buatte nipilen, ne manga taumatan Yahudi sidutu raddanguannu Ruata ana waugu iupungngu al᷊amona mangitou.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

TAHIUL᷊E 23:6

Su al᷊annune i yamiu mabbiakka wuṛṛu saran mal᷊annu-l᷊annu, imbaṛṛangnga mantul᷊ungu manga walahanna udde ara'e ma'ola'a si mangitou su lal᷊umanna'a.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

TAHIUL᷊E 5:6

‘Ete i Ya'u Mawu Ruatanu apan nangapiddi yamiu sinumabbangnga wuassu Mesir, su tampa i yamiu mattaṛṛuallanga.

1 YOHANES 4:19

I ite mandangngu, ana waugu Ruata doronete nandangngu si ite.

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.