TAHIUL᷊E 7:6 - WUKE SUSI WATTI'U AL᷊AL᷊USASSA

⁶ Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

TAHIUL᷊E 7:6 Iomraidhean Croise

1 MARARATU 3:8

I ya'u uatana'a su pattangngannu walahanna apan buatte nipile-Nu maola'a uman-Nu sassane. I mangitou sambau walahanna wahewalla apan tawe iareengnga anambone.

EZRA 9:2

Taumata esakku Yahudi naawingnga ringannu wawine walahanna waine, na'oman sara umatta al᷊aṛṛaene pussa'a Mawu tate tutune lai. Ewe'e lai apan dorone na'ola'a udde manga matatimmadde wuṛṛu tembonannu Israel.

DARALO 114:2

Mawu na'ola'a Yehuda tampa-Ne apan susi, Israel niola'a tampa apan paparentan-Ne.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 50:5

Wisara-Ne, “Ammul᷊a'e anambon al᷊aṛṛana-U, apan buatte nabaiddu paaire si Ya'u, wuṛṛu ringannu nanohassu sasamba apan niṛata.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YESAYA 41:9

I'o buatte Ta'u nial᷊appa wuassu manga pentakku runia, Ta'u niwaggoanna wuassu manga tampa apan arauanne. Wisara-Nu, ‘I'o allang-Ku; i Ya'u tawe manol᷊a'u taumata nipile-U.’

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

IMAMATTA 20:24

Leta'a apan ala wuṛṛu masuwukka udde buatte Ta'u pina'ire si yamiu, nariaddi Ta'u ionggola maola'a pussaanu. Ete i Ya'u Ruatanu apan naṛṛae kamiu wuassu manga walahanna waine.

IMAMATTA 20:26

I yamiu Ta'u iṛae wuassu manga walahanna waine tadea'u mabbal᷊i pussa'a-U. I yamiu ṛinone susi ana waugu ete i Ya'u Mawu, wuṛṛu i Ya'u susi.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

TAHIUL᷊E 14:21

Winatangnga apan nate sassane imbaṛṛangnga inasanni yamiu, arawe wotongnge inasannu taumata raho apan uatana'a suwallati yamiu, ara'e iwal᷊u'a su walahanna raho. I yamiu uddewe al᷊aṛṛana'a apan niaṛṛaen Mawu Ruatanu. Ṛemessu ana'u domba ara'e ana'u ambinga imbaṛṛangnga lahannu ua'en susun inangnge.”

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 26:19

Mawu sarun ma'ola'a si yamiu maggewal᷊anna wuassu anambon balahanna wal᷊ine apan buatte niriadi-Ne, wuṛṛu i yamiu sarun raloanna wuṛṛu adatanna. I yamiu sarun maola'a al᷊aṛṛana'u Mawu Ruata ere buatte nipa'ire-Ne.”

TAHIUL᷊E 28:9

Amungkangngu i yamiu matuṛṛutta Mawu Ruatanu wuṛṛu ma'ola'a al᷊awo'u tita-Ne, i yamiu sarun olaanna al᷊aṛṛanang-Nge sassane, ere buatte niriandi-Ne.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.