TAHIUL᷊E 7:25 - WUKE SUSI WATTI'U AL᷊AL᷊USASSA

²⁵ Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

TAHIUL᷊E 7:25 Iomraidhean Croise

2 MARARATU 23:14

Manga pale monganna wuṛṛu paal᷊uannu monganni Asyera niapaaṛṛa'a, ana see leta'a pina'olaanna manga pale wuṛṛu manga paal᷊uanna udde niomboanni Yosia ringannu manga duṛṛin taumata.

1 TAWARIKH 14:12

Napawe tantaran Filistin tinumal᷊angke, i mangitou tawe napangapiddu manga paal᷊uanna sassubbanni mangitou. I Daud namarenta tadea'u manga paal᷊uanna udde tutunganna.

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

SASABANGNGA 32:20

Wua'udde i tou nanganu paal᷊uanna sapi niola'u manga taumatan Israel udde, ana see niwoso wuṛṛu niwalu na'oman sara naal᷊ussa ere awu, ana see nilo'annu ua'e. Wua'udde i tou nandolokku taumatan Israel niapa'inumma.

SASABANGNGA 8:26

“Mappianne arie,” sasimbakki Musa, “ana waugu taumata Mesir sarun umal᷊udda naungnge amungkangngu maasilo sasamban kami udde, wuṛṛu yami sarun tuntungannu watu ma'oman sara mate.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 41:24

Mangke atonna-tonna, i yamiu wuṛṛu inolaannu tawe baddi'a, wuṛṛu manga maddaralonu tumba'u ma'arantinna.

IMAMATTA 13:52

Imam ṛinone manambunnu saranapa udde, ana ṛenessa udde maal᷊iu, nariaddi ṛinone itambunna su putungnga.

IMAMATTA 19:4

Imbaṛṛangnga massubba monganna. Imbaṛṛangnga ma'ola'a paal᷊uanna wuassu atta'a wuṛṛu massubba si tou. Ete i Ya'u Ruatanu.

ZEFANYA 1:3

anambon taumata wuṛṛu winatangnga, nasutta manu'u winalanganna wuṛṛu inassa. Taumata lal᷊eo sarun Ta'u pateanna. Anambon umattu taumata sarun insuenanna, tawe saran sangkatou apan Ta'u iwala wiakka. I Ya'u, Mawu, buatte nabbisara.

TAHIUL᷊E 12:3

Ṛaea'e manga mezbah mangitou wuṛṛu ṛimunsa'a manga diṛṛine watu apan a'antimanni mangitou pia taṛṛinone. Tambuna'a manga hambaranni Asyera, wuṛṛu ṛimunsa'a manga paal᷊uanna sassubbanni mangitou, na'oman sara manga monganna udde tate subbanna lai su tampa udde.

TAHIUL᷊E 13:16

Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

TAHIUL᷊E 17:1

Imbaṛṛangnga mangonggolu sapi ara'e domba apan pia sangkule su Mawu Ruatanu, ana waugu i Tou maddantinna.

TAHIUL᷊E 23:18

Wuṛṛu lai roitta ina'ul᷊e sinumandaga imbaṛṛangnga iapidda su Wal᷊en Mawu Ruatanu ipamaekka riandi, ana waugu Mawu Ruatanu maddantinnu sumasandaga su tampan pasasubbanna wuṛṛu roitta wawaekku sussandaga.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

SONDAPPA 17:5

Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”