TAHIUL᷊E 7:24 - WUKE SUSI WATTI'U AL᷊AL᷊USASSA

²⁴ I Tou sarun manantillu manga ratun mangitou si yamiu. I mangitou sarun pateanni yamiu, wuṛṛu aranni mangitou sarun timbul᷊iananna. Tawe saran sangkatou apan botongnge maataṛṛangnga sumaruanna si yamiu; i mangitou sarangkanambone sarun pateanni yamiu.

TAHIUL᷊E 7:24 Iomraidhean Croise

DARALO 9:5

Ana waugu I'o mammarenta naola'a mallaṛṛuungnga apan matul᷊idda; I'o buatte nanahekku hatto'u.

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

ZEFANYA 1:4

I Ya'u sarun makkuumannu tumana'u Yerusalem wuṛṛu ahewallu Yehuda. Manga lamben pasasubbanna si Baal sarun Ta'u iapawul᷊i wuassu manga tampa udde. Manga iman apan mangngimbe si Baal sarun timbul᷊iananna atonna-tonna.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

1 KORINTUS 15:57

Arawe aadiangkamanna su Ruata; i Tou nangonggolu auntunganna sulal᷊ummi Yesus Kristus Mawun kite.

TAHIUL᷊E 11:25

Su ahewallu wanua udde Mawu Ruatanu sarun ma'ola'a tadea'u manga taumata udde matta'utta su saruannu ere buatte nipa'ire-Ne, na'oman sara tawe saran sangkatou apan botongnge manal᷊are si yamiu.

TAHIUL᷊E 25:19

Ana waugu udde, amungkangngu Mawu Ruatanu buatte nangonggolu wanua udde si yamiu wuṛṛu i yamiu matammudda wuassu al᷊awo'u seetta apan uatana'a maraninu, anambon taumatan Amalek udde ṛinone pateanni yamiu, ma'oman sara i mangitou tate naunganna lai. Imbaṛṛangnga abbul᷊iananna!”

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

TAHIUL᷊E 9:14

Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 10:23

Ne loṛṛanga udde niwu'ate, ana see manga ratun Yerusalem, Hebron, Yarmut, Lakhis wuṛṛu Eglon niapidda watukku liudde,

YOSUA 10:40

Ahewallu wanua udde niaṛṛon Yosua. I tou namaddon manga ratu su wageangngu panenteanna, manga welem buidda samba'an ra'i, su manga wawal᷊annu wowone samba'an baṛṛatta, wuṛṛu su manga wadda'a samba'an timukka. Tawe saran sangkatou apan niwalane wiakka; sarangkanambone nipate. Udde wuassu parenta Mawu, Ruatan Israel.

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

YOSUA 11:17

Ahewallu leta'a udde manattakka wuassu Panenteannu Lol᷊okka su samba'an timukka maranin Edom, maddatingngu sawannaka araune sara Baal-Gad su wawal᷊annu Libanon samba'an timukku Wowon Hermon. Mal᷊annu atonna i Yosua uapapangalo manga ratu su wageangngu leta'a udde, arawe panginsueanne i tou nanametta wuṛṛu namate si mangitou sarangkanambone.

YOSUA 21:44

Ne ere buatte pina'ire Mawu su iupungngu al᷊amonan mangitou, wanua udde matammudda ana waugu lal᷊u'arannu Mawu. Manga seetti mangitou tawe saran sangkatou maaroappa si mangitou, ana waugu Mawu nangonggolu auntunganna su taumatan Israel su al᷊awo'u seetti mangitou.

YOSUA 23:3

I yamiu nasilote al᷊awo'a apan niola'u Mawu Ruatanu su saruannu anambon walahanna isindi ana waugu i yamiu. Apan nangesakki yamiu, eteudde tumba'u Mawu Ruatanu sassane.

YOSUA 23:9

Manga walahanna apan bahewalla wuṛṛu matohassa buatte nilimbuaṛannu Mawu ana waugu i yamiu, tawe saran sangkatou wuassi mangitou apan botongnge maaroappa si yamiu.

YOSUA 6:2

Mawu nabbisara si Yosua, “Orassa indi Ta'u itantilla si'o Yerikho wuṛṛu ratune wuṛṛu manga tantarane apan baṛṛani udde.