TAHIUL᷊E 7:16 - WUKE SUSI WATTI'U AL᷊AL᷊USASSA

¹⁶ Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

TAHIUL᷊E 7:16 Iomraidhean Croise

DARALO 106:34

Manga walahanna waine tawe niṛṛadda'i mangitou, ere lai buatte nirolokku Mawu.

DARALO 106:36

Ana see i mangitou nassubba manga paal᷊uanna, wuṛṛu pinangianannu ananawon mangitou.

SASABANGNGA 23:33

Arie pabbala'a manga taumata udde matana'a su wanuanu, tadea'u i yamiu tawe massubba manga mawun mangitou wuṛṛu ma'ola'a rosa su saruang-Ku. Amungkangngu i yamiu massubba manga mawun mangitou, i yamiu nanawote sulal᷊ummu loṛṛangngu papate.”

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”

REENGANNA 33:55

Arawe amungkangngu tumana'u wanua udde tawe limbuaṛṛanni yamiu, manga taumata apan sidutu uatana'a isudde sarun mapaasusanu ere anne su matanu wuṛṛu ere larangnga su leddanu. Ne ete i mangitou udde mamangalo si yamiu.

1 KORINTUS 15:33

Arie awahianna! Pagahahawe apan lal᷊eo, mandal᷊eo pallal᷊agu mapia.

TAHIUL᷊E 13:8

imbaṛṛangnga maddaringikka si tou imbaṛṛangnga i'o iasal᷊o'i tou. Imbaṛṛangnga lai umakkanna, ara'e manamba'a taumata udde.

TAHIUL᷊E 13:9

I tou ṛinone tuntungannu watu ma'oman sara mate. I'o ṛinone malliu ṛoro mamareta si tou ringannu tatantalongannu anambon tumana'u soa. Taumata apan nassal᷊a udde ṛinone pateanna, ana waugu i tou pia pandumma mapaaraun kamiu wuassu Mawu Ruatanu apan namallosi yamiu wuassu patataṛṛuallanganna su Mesir.

TAHIUL᷊E 19:13

Imbaṛṛangnga umakkanni tou. Paal᷊iua'a Israel wuassu pamamate udde, tadea'u i yamiu su lal᷊umanna'a.”

TAHIUL᷊E 19:21

Arie umakkanna sulal᷊ummu manga hatto ereudde. Ṛuumanne eteudde: Niawa hantiannu niawa, mata hantiannu mata isi hantiannu isi, lima hantiannu lima wuṛṛu ledda hantiannu ledda.”

TAHIUL᷊E 25:12

ponggo'e ta'iakku wawine udde wuṛṛu arie umakkanni tou.

TAHIUL᷊E 7:2

Napawe Mawu Ruatanu manantillu manga walahanna udde sulal᷊ummu taṛṛinonu wuṛṛu i yamiu mamaddon mangitou, patete i mangitou sarangkanambone. Imbaṛṛangnga umakkanni mangitou ara'e makkiinnu pa'aire ringanni mangitou.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

YOSUA 11:20

Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

MAL᷊AṚṚUUNGNGA 2:3

Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”

MAL᷊AṚṚUUNGNGA 3:6

Walahannu Israel naawingken manga walahanna udde, wuṛṛu massubbate lai manga monganni mangitou.

MAL᷊AṚṚUUNGNGA 8:27

Wuassu wul᷊awanna udde, i Gideon na'ola'a sambau paal᷊uanna sassubbanna, ana see niaddo su ampungnge, eteudde su Ofra. Anambon taumatan Israel inaite poiaroddi massubba paal᷊uanna udde, na'oman sara i mangitou naabul᷊iten Ruata. Wuṛṛu olangnge udde maola'a sambau wal᷊ati'a si Gideon wuṛṛu al᷊aṛanangnge.