TAHIUL᷊E 7:14 - WUKE SUSI WATTI'U AL᷊AL᷊USASSA

¹⁴ Wuassu anambon balahanna su runia, tawe saran sambau apan naasomba al᷊amatta aroddi nilumambalanna ere si yamiu. Wuassi yamiu sarangkanambone, wuṛṛu wuassu al᷊awo'u winatangnga papadul᷊ianannu tawe saran sambau apan tinna.

TAHIUL᷊E 7:14 Iomraidhean Croise

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

IMAMATTA 26:9

I Ya'u sarun mangal᷊amatta si yamiu wuṛṛu mangonggolu ana'a pulunna apan manambo si yamiu. Apa apan buatte Ta'u pina'ire si yamiu, i Ya'u sarun mapaatipussa.

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

TAHIUL᷊E 28:11

I yamiu sarun onggol᷊annu manambo ana'a. Winatangnga papadul᷊ianannu manambo wuṛṛu hessin letangngu nilumambalanna su wanua apan nipa'iren Mawu su iupungngu al᷊amonanu apan ionggola si yamiu.

TAHIUL᷊E 28:4

Nial᷊amatante i yamiu, ma'oman sara manga anangngu manambo, hessin letangngu lumambalanna wuṛṛu sapi see lai ambingnga dombanu anambone a'atambanna.

TAHIUL᷊E 30:9

Mawu Ruatanu sarun ma'ola'a inasaharannu mangke mahessi; yamiu sarun maatahuanna anna manambo, wuṛṛu winatangnga apan manambo; manga wawail᷊annu sarun mangonggolu hessine manambo-nambo. Mawu ringannu naungnga mal᷊uassa ma'ola'a si yamiu ala, ere lai i Tou mal᷊uassa nangonggolu pa'a'ala su iupungngu al᷊amonanu.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”