TAHIUL᷊E 7:10 - WUKE SUSI WATTI'U AL᷊AL᷊USASSA

¹⁰ Arawe ringannu tawe humago'a i Tou makkuumanni mangitou apan maddantinni Tou.

TAHIUL᷊E 7:10 Iomraidhean Croise

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YEREMIA 32:18

I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

REENGANNA 10:35

Suapan Bantallu Pa'aire udde sarun iapidda, i Musa mabbisara, “Darisikke, oh Mawu, sal᷊iawuṛṛa'e seennu, ma'oman sara taumata apan maddantinnu Mawu tumal᷊angngu watanganne.”

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

TAHIUL᷊E 32:41

I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

TAHIUL᷊E 7:11

Nariaddi, paatuṛṛutte anambon tita apan ta'u niwal᷊o si yamiu allo indi.”

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.