TAHIUL᷊E 6:2 - WUKE SUSI WATTI'U AL᷊AL᷊USASSA

² Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

TAHIUL᷊E 6:2 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

1 MARARATU 8:40

tadea'u uman-Nu matuṛṛutta Si'o sidutu su al᷊o'engngu i mangitou uatana'a su wanua apan buatte nionggollu Mawu su al᷊amonan kami.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 128:1

Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

DARALO 91:16

I Tou sarun Ta'u onggol᷊annu uukka mal᷊o'engnga, wuṛṛu Ta'u iapasal᷊amatta.”

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

AMSAL 16:6

Taumata apan matuṛṛutta Ruata sarun maasomba aampungnga; Taumata apan mangngimanna sarun mal᷊iudda wuassu al᷊awo'u al᷊al᷊eo.

AMSAL 3:16

Asingkatta mangngonggollu uukka mal᷊o'engnga, paa'ala wuṛṛu awawantuga.

AMSAL 9:11

Asingkatta sarun mangonggolla si'o uukka mal᷊o'engnga.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YEHEZKIEL 20:19

Ete i Ya'u Mawu Ruatanu. Paatuṛṛutte manga tita wuṛṛu manga parenta-U.

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 11:9

Wuṛṛu i yamiu sarun mabbiakka mal᷊annu su wanua apan ala wuṛṛu masuwukka, apan pina'iren Mawu su iupungngu al᷊amonanu wuṛṛu su papapulunni mangitou.

TAHIUL᷊E 13:4

Taumata ereudde ṛinone i ṛuumanne pateanna, ana waugu apulune mangngal᷊iwun kamiu wuassu lal᷊anna apan nirolokku Mawu Ruatanu si yamiu. Ete i tou udde taumata lal᷊eo ana waugu mandolokki yamiu lullawangnga su saruannu Mawu Ruatanu apan namallossi yamiu waussu Mesir, su tampa i yamiu niola'a allangnga. Nariaddi i tou ṛinone pateanna, tadea al᷊al᷊eo udde masue. Arawe i yamiu uatantalongnga Mawu Ruatanu wuṛṛu mangngaddata si Tou; paddaringikka si Tou wuṛṛu amata'e al᷊awo'u parenta-Ne. Paasidutua'e tatuṛṛutta wuṛṛu pattaṛṛamawu si Tou.

TAHIUL᷊E 15:5

sawal᷊iate i yamiu matuṛṛutta su Mawu Ruatanu, wuṛṛu ringannu maadunna ma'ola'a al᷊awo'u manara apan ta'u irolokka si yamiu allo indi.

TAHIUL᷊E 22:7

I yamiu wotongnge manganu ana'u manu'a udde, arawe wala'e inangnge tumalla'a, tadea'u uukki yamiu mal᷊o'engnga wuṛṛu mabbiakka su lal᷊umanna'a.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 30:20

Pandangngute Mawu Ruatanu, paatuṛṛutta si Tou, wuṛṛu paatammuda tumuṛṛutta si Tou. Ne i yamiu wuṛṛu papapulunnu sarun mabbiakka wuṛṛu uukka mal᷊o'engnga su wanua apan nipa'iren Mawu su iupungngu al᷊amonanu, i Abraham, i Ishak wuṛṛu i Yakub.”

TAHIUL᷊E 4:10

su ola'u allo udde, su tempo i yamiu uarisikka su saruannu Mawu Ruatanu su Wowon Sinai. Su tempo udde i Tou nabbisara si ya'u, ‘Ammul᷊a'e walahanna udde. I Ya'u maapulu i mangitou maddaringikka apa apan Ta'u iwal᷊o, tadea'u i mangitou masingkatta tumuṛṛutta si Ya'u su al᷊o'engngu pabbiaṛṛanne, wuṛṛu tadea'u i mangitou manantiro al᷊aṛṛana'i mangitou tumuṛṛutta si Ya'u.’

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

TAHIUL᷊E 6:1

“I Ya'u nirolokku Mawu Ruatanu iapatantiro anambon tita indi si yamiu tadea'u i yamiu ma'ola'a su wanua apan tate mal᷊annu lai atanaanni yamiu.

TAHIUL᷊E 6:24

Mawu Ruatan kite nandolokki ite tumuṛṛutta anambon tita udde wuṛṛu mangaddata si Tou. Amungkangngu inolaanni ite aroddi, i Tou sidutu mammadul᷊i walahanni ite tadea'u sidutu mabbiakka su al᷊al᷊uassa.

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.