TAHIUL᷊E 6:15 - WUKE SUSI WATTI'U AL᷊AL᷊USASSA

¹⁵ Amungkangngu i yamiu massubba manga monganna waine, ne i yamiu sarun aemaannu asasa'u Mawu Ruatanu wuṛṛu insueanna pateanna, ana waugu Mawu Ruatanu su pattangnganni yamiu maddiri isul᷊ungnga ringannu manga apa waine.

TAHIUL᷊E 6:15 Iomraidhean Croise

PANDARIADDI 7:4

Ete pitu allo lai I ya'u sarun manossokku uranna apan tawe mangallo al᷊annune appatu pul᷊o su allone appatu pul᷊o su ṛabbine, tadea'u riadianna apan buatte Ta'u niola'a udde tawe mate.”

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

DARALO 90:7

I yami niṛṛumindu'u asasa'u-Nu, wuṛṛu nasue nate su al᷊al᷊eon naung-Ngu.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

YEREMIA 28:16

Ana waugu udde Mawu sassane nabbisara manungku i'o sarun iapawul᷊i wuassu runia. Tonna indi lai i'o sarun nate, ana waugu i'o buatte nandolokku walahanna indi lumawangnga Mawu.”

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

AMOS 9:8

I Ya'u, Mawu Apan Atanggaṛṛanne, tantal᷊anna ma'uwasi araratuannu Israel apan marosa indi, wuṛṛu i Ya'u sarun mamappassa wuassu wowon dunia. Arawe papapulunni Yakub tawe sarangkanambone Ta'u pateanna. I Ya'u, Mawu, buatte nabbisara.

REENGANNA 35:34

Ariewe mandal᷊eo leta'a apan wawanuanni yamiu, ana waugu ete i Ya'u Mawu, wuṛṛu i Ya'u uatana'a su pattangngannu walahannu Israel.”

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

TAHIUL᷊E 11:17

Amungkangngu i yamiu lumawangnga parenta udde, Mawu sarun masa'u si yamiu. I Tou sarun tawe manossokku uranna; lettangngu mabbal᷊i mamara-mara maoman sara sasuanna lai tawe mangonggolu wuane. Ne tawe mal᷊annu i yamiu sarun mate su leta'a masuwukka apan nionggolu Mawu si'o.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

TAHIUL᷊E 7:4

tadea'u i mangitou tawe mapaaraun manga anangngu wuassu Mawu wuṛṛu massubba manga Mawu waine. Amungkangngu i yamiu massubba manga Mawu waine, Mawu masa'u wuṛṛu i yamiu sarun pateanne.

YOSUA 23:12

Amungkangu i yamiu tawe matuṛṛuta wuṛṛu i yamiu maammulu manga walahanna apan ta'e uatana'a ringanni yamiu, wuṛṛu i yamiu ma'awingngi mangitou,

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”