TAHIUL᷊E 6:14 - WUKE SUSI WATTI'U AL᷊AL᷊USASSA

¹⁴ Imbaṛṛangnga massubba manga Mawu waine apan sassubbannu manga walahanna apan uatana'a maraninu.

TAHIUL᷊E 6:14 Iomraidhean Croise

2 MARARATU 17:35

Mawu buatte na'ola'a pa'aire indi su walahannu Israel, “Imbaṛṛangnga mattaṛṛamawu su manga mawu waine; imbaṛangnga massubba si mangitou ara'e mangimbe si mangitou, ara'e mangonggolu sasamba si mangitou.

DARALO 44:20

Arawe I'o nanantangngi yami sulal᷊ummu ararandumma; i yami tawe ikkata suwallatu winatangnga mal᷊aṛṛaga.

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

YEREMIA 25:6

Manga nabi udde manningaddi yamiu massubba wuṛṛu mattaṛṛamawu mawu waine. I mangitou manningaddi yamiu massubba manga paal᷊uanna lanna'u limanu sassane, ana waugu olangnge udde ma'asa'u Mawu. Amungkangngu i yamiu tuttuṛṛutta parenta Mawu udde, i Tou tawe makkuumanni yamiu.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

TAHIUL᷊E 11:28

Arawe i yamiu sarun bontohanna amungkangngu tawe tumuṛṛutta manga titan Mawu Ruatanu, ewe'e lai tinumal᷊iudda wuṛṛu nassubba paal᷊uanna apan taambe sinumabbanni yamiu.

TAHIUL᷊E 5:7

Imbaṛṛangnga massubba manga paal᷊uana waine. Passubbate si Ya'u sassane.

TAHIUL᷊E 8:19

Imbaṛṛangnga maabulin Mawu Ruatannu wuṛṛu imbaṛṛangnga mabelengnga su manga Mawu waine inai massubba wuṛṛu mattaramawu si mangitou. Allo indi ya'u mapaanaungngi yamiu manungku amungkangu i yamiu ta'e ma'ola'a lai, i yamiu sarun pateannu Mawu.

YOSUA 23:7

Ringannu aroddi yamiu tawe mallal᷊o'an manga walahanna apan ta'e uatana'a su sampunna ringanni yamiu. I yamiu tawe maasagon arannu manga monganni mangitou ara'e massalu sulal᷊ummu aranna udde. Wuṛṛu lai yamiu tawe mattaṛṛamawu ara'e massubba su manga monganna udde.

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!