TAHIUL᷊E 6:10 - WUKE SUSI WATTI'U AL᷊AL᷊USASSA

¹⁰ “Mawu Ruatanu naddiandi su iupungngu al᷊amonanu i Abraham, i Ishak wuṛṛu i Yakub manungku i Tou sarun mangonggolu wanua udde si yamiu. Manga soane wahewalla wuṛṛu ala, wuṛṛu wal᷊ine i yamiu napararisikku soa udde.

TAHIUL᷊E 6:10 Iomraidhean Croise

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

DARALO 105:44

Leta'u manga walahanna nionggolu Mawu si mangitou, manga wawail᷊anni mangitou naola'a pussa'an al᷊aṛṛanang-Nge,

DARALO 78:55

Su saruannu al᷊aṛṛanang-Nge i Tou nallimbuakka tumana'a isudde ana see i Tou nattahia wanua udde su anambon ṛuangannu walahannu Israel, al᷊aṛṛanang-Nge, na'oman sara i mangitou napamanua su manga rasannu seetta.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 19:1

“Napawe manga walahanna udde buatte nipaten Mawu Ruatanu wuṛṛu wanuane nionggola si yamiu, wuṛṛu napawe i yamiu buatte nanganu manga soa wuṛṛu manga wal᷊en mangitou wuṛṛu natana'e isudde,

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

TAHIUL᷊E 6:18

Pa'ola'e apa apan tumuṛṛuttu Mawu mapia wuṛṛu matul᷊idda, ne i yamiu sarun su lal᷊umanna'a. Leta'a masuwukka apan pina'iren Mawu su iupungngu al᷊amonanu sarun maola'a pussaanu,

TAHIUL᷊E 6:23

I Tou namallossi ite wuassu Mesir, wuṛṛu nangapiddi ite isindi, wuṛṛu leta'a indi nionggola si ite ere buatte nipa'ire-Ne su iupungngu al᷊amonan kite.

TAHIUL᷊E 8:12

Amungkangngu i yamiu buatte niumanna ringannu walate apulun naungngu wuṛṛu buatte napararisikku manga wal᷊en apan mapia maola'a tampa atatanaannu,

TAHIUL᷊E 9:1

“Paddaringikkawe manga tuṛṛangnga! Allo indi yamiu lumewesse Sal᷊ukku Yordan inai matana'a su wageangngu leta'u walahanna apan magewal᷊anna wuṛṛu mattohasanna wuassi yamiu. Manga soan mangitou wahahewalla ringannu manga darandunge matanggakka sara langitta.

YOSUA 24:13

Leta'a apan Ta'u nionggola si yamiu, nisengkammi yamiu ringannu tawe sahadde. Wuṛṛu manga soa apan Ta'u nionggola si yamiu, wal᷊ine i yamiu napararisikka. Arawe orassa indi, ete i yamiu apan uatana'a poiaroddi, wuṛṛu ete i yamiu lai mallal᷊umanna'u wuan anggore wuṛṛu wuan Zaitun, sumbal᷊i wal᷊ine i yamiu nassuanna.’ ”