TAHIUL᷊E 5:29 - WUKE SUSI WATTI'U AL᷊AL᷊USASSA

²⁹ Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

TAHIUL᷊E 5:29 Iomraidhean Croise

1 TAWARIKH 29:18

Oh Mawu Ruata, apan sassubbanni Abraham, i Ishak wuṛṛu i Yakub, al᷊amonan kami, antimanna I'o mallu'adda tadea'u al᷊aṛṛanang-Ngu sidutu marangngu Si'o ere lai su orassa indi wuṛṛu tul᷊ungaawe tadea'u sarangkal᷊o'engnge sidutu tuttuṛṛuta Si'o.

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

DARALO 19:12

Allang-Ngu niapanaungngu sarangkanambone udde; lal᷊antakke apan wahewalla su taumata apan matuṛṛutta.

DARALO 78:7

Ringannu aroddi i mangitou lai sarun pia antimma lai su Ruata, wuṛṛu tawe maabul᷊in inolaan-Ne, arawe sidutu matuṛutta parenta-Ne,

DARALO 81:16

Taumata apan maddantinnu Ruata sarun Ta'u iapasuṛṛubbawa, i mangitou sarun iṛṛuumanna saran mal᷊annu-l᷊annu.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

EFESUS 6:3

eteudde: “Tadea'u i'o su al᷊al᷊uassa wuṛṛu uukku mal᷊o'engnga su runia indi.”

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 11:1

“Pandangngute Mawu Ruatanu, wuṛṛu paatuṛṛutte al᷊awo'u parenta-Ne.

TAHIUL᷊E 12:25

Amungkangngu i yamiu tumuṛṛutta parenta udde, Mawu sarun mal᷊uassa, wuṛṛu i yamiu see lai papapulunnu sarun su lal᷊umanna'a.

TAHIUL᷊E 12:28

Panutukke ringannu mapia al᷊awo'a apan buatte ta'u nirolokka si yamiu, ne i yamiu ma'ola'a apan apianne wuṛṛu ipaapulun Mawu Ruatanu, na'oman sara i yamiu wuṛṛu pappapulunnu masal᷊amatta wuṛṛu su lal᷊umanna'a saran mal᷊annu-l᷊annu.”

TAHIUL᷊E 19:13

Imbaṛṛangnga umakkanni tou. Paal᷊iua'a Israel wuassu pamamate udde, tadea'u i yamiu su lal᷊umanna'a.”

TAHIUL᷊E 22:7

I yamiu wotongnge manganu ana'u manu'a udde, arawe wala'e inangnge tumalla'a, tadea'u uukki yamiu mal᷊o'engnga wuṛṛu mabbiakka su lal᷊umanna'a.

TAHIUL᷊E 4:10

su ola'u allo udde, su tempo i yamiu uarisikka su saruannu Mawu Ruatanu su Wowon Sinai. Su tempo udde i Tou nabbisara si ya'u, ‘Ammul᷊a'e walahanna udde. I Ya'u maapulu i mangitou maddaringikka apa apan Ta'u iwal᷊o, tadea'u i mangitou masingkatta tumuṛṛutta si Ya'u su al᷊o'engngu pabbiaṛṛanne, wuṛṛu tadea'u i mangitou manantiro al᷊aṛṛana'i mangitou tumuṛṛutta si Ya'u.’

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

TAHIUL᷊E 5:30

Orassa indi roote wuṛṛu doloṛṛa'a walahanna udde mabelengnga su rasannu sangkatou-sangkatou.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

TAHIUL᷊E 6:17

Paatuṛṛutta anambon tita apan nionggolu Mawu Ruatanu si yamiu.

TAHIUL᷊E 6:18

Pa'ola'e apa apan tumuṛṛuttu Mawu mapia wuṛṛu matul᷊idda, ne i yamiu sarun su lal᷊umanna'a. Leta'a masuwukka apan pina'iren Mawu su iupungngu al᷊amonanu sarun maola'a pussaanu,

TAHIUL᷊E 6:3

Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

TAHIUL᷊E 8:6

Nariaddi, pa'ola'e al᷊awo'u apa apan nirolokku Mawu Ruatanu. Pabbiakke tuttuṛṛutta manga tita-Ne wuṛṛu pangaddate si Tou.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

RUT 3:1

Manga pira tempo wua'udde, i Naomi nabbisara si Rut, “I ya'u ṛinone maṛṛingidda tadea'u i'o wotongnge pia pamamanua apia wuṛṛu tadea'u su al᷊al᷊uassa.