TAHIUL᷊E 5:14 - WUKE SUSI WATTI'U AL᷊AL᷊USASSA

¹⁴ arawe su allo apitune uddewe allo pangillol᷊oanna apan niṛṛae ipangaddata si Ya'u, Mawu Ruatanu. Su allo udde imbaṛṛangnga pia sangkatou mammanara, mawae i yamiu, manga anangngu, manga allangngu, manga winatangngu ara'e taumata raho apan uatana'a su wanuanu. Manga allangngu ṛinone mangillol᷊o ere lai yamiu sassane.

TAHIUL᷊E 5:14 Iomraidhean Croise

PANDARIADDI 2:2

Su allo appitune Ruata suete nanginsue manara-Ne udde, ana see i Tou nangillol᷊ote.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

NEHEMIA 13:16

Manga pira taumata wuassu Tirus apan uatana'a mabbal᷊u'a su Yerusalem uaapiddu inassa wuṛṛu al᷊awo'u hatin saranapan bal᷊u'anna watukku Yerusalem su allon Sabat, tadea'u iwal᷊u'a su manga taumatan Yahudi.

NEHEMIA 13:21

I ya'u nabbisara si mangitou, “Tawe gunane i yamiu maṛṛaddo ma'oman sara marua allo isudde. Paṛṛaddo, amungkangngu i yamiu ma'ola'a udde paassa lai, i ya'u sarun makkuumanni yamiu!” Nanattakka orassa udde i mangitou tate saran paassa rumanta apia su allon Sabat.

NEHEMIA 5:5

Wal᷊inewe i yami lai taumatan Yahudi? Wal᷊inewe ana'i yami nassul᷊ungngu manga ana'u Yahudi waine? Salaiwe aroddi i yami nipabbawata'a namalan manga ana'i yami naola'a allangnga. Ewe'e lai pia ana'a maṛṛualan kami apan buatte niwal᷊u'a maola'a allangnga. I yami tate maal᷊ore ana waugu wawail᷊anna wuṛṛu waillu anggori yami buatte nihadde.”

SASABANGNGA 23:12

Annumu allo sulal᷊ummu sangkamisa i yamiu wotongnge mammanara, arawe su allo appitune i yamiu ṛinone mangillol᷊o, tadea'u winatangngu, manga allangnga wuṛṛu manga taumata raho apan mammanara ringannu wotongnge mangillol᷊o lai.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

MARKUS 2:27

See Mawu Yesus nabbisara apia, “Allon Sabatta niola'a hunan taumata; wal᷊ine taumata hunan allon Sabatta.

LUKAS 23:56

Wua'udde i mangitou napul᷊e see nanaddia manga rampa-rampa wuṛṛu lana mawangngi ipamokka winal᷊unannu Mawu Yesus. Su allon Sabatta, i mangitou nangillol᷊o mammanara ipallagun Titan agama.

TAHIUL᷊E 5:13

I yamiu Ta'u inonggol᷊annu annumu allo ipammanara,

IBRANI 4:4

Ana waugu su ola'u allo appitune, pia uawoṛṛetta sulal᷊ummu Wuke Susi arendi, “Su allo appitune Ruata nangillol᷊o wuassu anambon manara-Ne.”