TAHIUL᷊E 4:6 - WUKE SUSI WATTI'U AL᷊AL᷊USASSA

⁶ Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

TAHIUL᷊E 4:6 Iomraidhean Croise

1 MARARATU 4:34

Manga ratu su ahewallu runia naaringika ola'u apapanden Salomo na'oman sara i mangitou nandolokku sangkatou taumata inai ringanni tou tadea'u maddaringikka si tou.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

DARALO 19:8

Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

AMSAL 1:4

Taumata apan tawe addapanne su ola'u pabbiaṛṛanna niaṛṛaanne na'oman sara uatahuanna ṛingiranna apan maṛṛoro, wuṛṛu taumata saṛṛen tumuwo niaṛṛaanne mabbal᷊i taumata apan pande wuṛṛu wotongnge maṛṛingidda ere taumata matinggakke.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 14:34

Atatul᷊idda wuṛṛu apapia mandantan arannu walahanna, arawe rosa maa'ola'a walahanna udde aal᷊uandahanna.

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

YESAYA 42:21

Mawu mappandumma manal᷊amatta; i Tou mappulu tita-Ne a'addatanna wuṛṛu wantuhanna.

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YEHEZKIEL 5:5

Mawu Apan Atanggaṛṛanne nabbisara, “Pa'ellega, eteindi Yerusalem. Soa indi Ta'u niaddo su pusiddu runia, ringannu manga araratuanna waine uapal᷊iwutta si tou.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

HOSEA 8:12

I Ya'u namoṛṛettu manambo atonna al᷊aṛṛa'a si mangitou, arawe sarangkanambone udde nitol᷊a'i mangitou ana waugu massunna tawe gunane si mangitou.

MALEAKHI 3:12

Ne i yamiu sarun isaggo su lal᷊umanna'a ṛattangannu anambon walahanna, ana waugu wanuanu nabbal᷊i tampa apan mapia pamanuanna.”

TAHIUL᷊E 29:9

Ne i yamiu ṛinone matammuda tuttuṛṛuta al᷊awo'u pa'aire-Ne indi tadea'u i yamiu mahessi su al᷊awo'u inasaharannu.

TAHIUL᷊E 32:46

i Musa nabbisara, “Panutukke anambon parenta apan Ta'u nionggola si yamiu allo indi. Tantiroa'a su al᷊aṛṛanangngu, tadea'u i mangitou ringannu matammuda mappaamattu anambon titan Mawu.

TAHIUL᷊E 32:47

Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.