TAHIUL᷊E 4:40 - WUKE SUSI WATTI'U AL᷊AL᷊USASSA

⁴⁰ Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

TAHIUL᷊E 4:40 Iomraidhean Croise

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

SASABANGNGA 23:26

Su wanuanu sarun tawe bawine anawoanna ara'e tinna. I yamiu sarun Ta'u onggol᷊annu uukka mal᷊o'engnga.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

YESAYA 65:20

Al᷊aṛṛanangnge taweddu nate ta'e maradio'a, wuṛṛu timmadde sarun ma'oman uukka mal᷊o'engnga. Taumata apan uukke maṛṛasutta su tonnane ellehanna ere saṛṛentumuwo, wuṛṛu apan nate taambe sutempo udde, naṛṛinoannu ṛuumang-Ku.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

YEREMIA 35:18

Wua'udde i ya'u nabbisara su manga taumata ṛuanganni Rekhab manungku Mawu Apan Lembontaṛṛino, Ruatan Israel, nabbisara arendi, “I yamiu buatte tinumuṛṛutta al᷊amonanu i Yonadab; anambon parentane niraringiṛṛanna wuṛṛu iaamatta.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

YEREMIA 7:7

Amungkangngu i yamiu mamal᷊u ola'u pabbiaṛṛannu wuṛṛu pallal᷊agunu see lai tate ma'ola'a sarangkanambone udde, i Ya'u sarun mamalan kamiu sidutu uatana'a su wanua indi apan buatte Ta'u nionggolla maola'a leta'a pussa'a su al᷊amonanu.

IMAMATTA 22:31

Mawu nabbisara, “Paatuṛṛute manga parenta-U; ete Ya'u Mawu.

REENGANNA 10:29

I Musa nabbisara ipage, i Hobab ana'i Rehuel taumatan Midian, “Yami inaite mangingkatta su tampa apan tumuṛṛuttu wisaran Mawu sarun ionggola si yami. Mawu buatte na'iren apapia su taumatan Israel. Nariaddi tantalongke, yami sarun ma'ola'a mapia si'o.”

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

EFESUS 6:3

eteudde: “Tadea'u i'o su al᷊al᷊uassa wuṛṛu uukku mal᷊o'engnga su runia indi.”

TAHIUL᷊E 11:9

Wuṛṛu i yamiu sarun mabbiakka mal᷊annu su wanua apan ala wuṛṛu masuwukka, apan pina'iren Mawu su iupungngu al᷊amonanu wuṛṛu su papapulunni mangitou.

TAHIUL᷊E 12:25

Amungkangngu i yamiu tumuṛṛutta parenta udde, Mawu sarun mal᷊uassa, wuṛṛu i yamiu see lai papapulunnu sarun su lal᷊umanna'a.

TAHIUL᷊E 12:28

Panutukke ringannu mapia al᷊awo'a apan buatte ta'u nirolokka si yamiu, ne i yamiu ma'ola'a apan apianne wuṛṛu ipaapulun Mawu Ruatanu, na'oman sara i yamiu wuṛṛu pappapulunnu masal᷊amatta wuṛṛu su lal᷊umanna'a saran mal᷊annu-l᷊annu.”

TAHIUL᷊E 22:7

I yamiu wotongnge manganu ana'u manu'a udde, arawe wala'e inangnge tumalla'a, tadea'u uukki yamiu mal᷊o'engnga wuṛṛu mabbiakka su lal᷊umanna'a.

TAHIUL᷊E 25:15

Pappaatten timbanganna wuṛṛu supa'a apan naṛṛino, tadea'u uukki yamiu mal᷊o'engnga su wanua apan nionggolu Mawu Ruatanu si yamiu.

TAHIUL᷊E 32:47

Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

TAHIUL᷊E 4:5

Anambon tita udde ta'u niaṛṛa'a si yamiu ere buatte nirolokku Mawu Ruatanu. Tuṛṛute sarangkanambone udde su wanua apan sarun suttanna wuṛṛu atanaanna udde.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

TAHIUL᷊E 5:10

Arawe i Ya'u mapal᷊iatta'u darangngu-U su ṛiwune papapulunne wuassu manga taumata apan mandangngu si Ya'u wuṛṛu matuṛṛutta parenta-U.

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

TAHIUL᷊E 6:18

Pa'ola'e apa apan tumuṛṛuttu Mawu mapia wuṛṛu matul᷊idda, ne i yamiu sarun su lal᷊umanna'a. Leta'a masuwukka apan pina'iren Mawu su iupungngu al᷊amonanu sarun maola'a pussaanu,

TAHIUL᷊E 6:3

Ana waugu udde paddaringikka manga tuṛṛangnga, ola'e udde ringannu matuṛṛutta, tadea'u i yamiu su lal᷊umanna'a wuṛṛu mabbal᷊i walahanna apan bahewalla su wanua apan ala wuṛṛu masuwukka, ere buatte pina'ire Mawu Ruatanu su al᷊amonang kite.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.