TAHIUL᷊E 4:3 - WUKE SUSI WATTI'U AL᷊AL᷊USASSA

³ I yamiu naasilo sassane sarangkanambone apan niola'u Mawu Ruatanu su Wowon Peor. Suapan taumata apan massubba Baal su tampa udde sarun pateannu Mawu,

TAHIUL᷊E 4:3 Iomraidhean Croise

YEHEZKIEL 20:18

Arawe nawal᷊i'a ingana'a dario'a suwallatti mangitou Ta'u nitantiroanna arendi, ‘Imbaṛṛangnga tumuṛṛutta manga atoranna apan niola'u iupungngu al᷊amonanu. Arie mattanno anarammi mangitou wuṛṛu arie pa'ola'a rosa su watangannu ringannu massubba manga paal᷊uanni mangitou.

HOSEA 9:10

Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

REENGANNA 26:64

Wuassu manga taumata apan paarorone niwoṛṛetti Musa wuṛṛu i Harun su wadda'u Sinai, tawe saran sangkatou apan ta'e wiakka.

REENGANNA 31:16

Wal᷊inewe manga wawine udde tinumuṛṛutta tatantiron Bileam, na'oman sara nassalo'u taumatan Israel su Peor ana see nanantangngu Mawu? Wuṛṛu eteudde nandatan asasusa su al᷊aṛṛana'u Mawu!

TAHIUL᷊E 11:7

Ore, ete i yamiu apan ringannu mata wuṛṛu puanu sasane buatte naasilo anambon al᷊aṛṛindu'a apan niola'u Mawu.”

TAHIUL᷊E 4:4

arawe i yamiu apan sidutu tuttuṛṛutta Mawu Ruatanu, ta'e wiakka naddatingngu orassa indi.

YOSUA 22:17

I yamiu tawe maanaungnga rosan kite su Peor? Su tempo udde i ite niṛṛuumannu Mawu ringannu sambau al᷊aṛṛusa'itta, salaiwe i ite indi walahan-Ne sassane! Naddatingngu orasa indi i ite ta'e uapasanna rosane. Apa udde taambe lai maawal᷊u si yamiu?