TAHIUL᷊E 4:28 - WUKE SUSI WATTI'U AL᷊AL᷊USASSA

²⁸ Isudde i yamiu sarun mattaṛṛamawu su manga monganna apan niola'u liman taumata, manga monganna wuassu alu wuṛṛu watu apan tawe maasilo wuṛṛu maaringikka, tawe maanna wuṛṛu maasimbua.

TAHIUL᷊E 4:28 Iomraidhean Croise

2 MARARATU 17:40

Arawe tumana'u Samaria udde maddiri maddaringikka; i mangitou sidutu uaagassa addata inanaramanni mangitou.

YESAYA 26:14

I mangitou natete wuṛṛu tate mabbiakka apia, ṛimuudde tate mabbangunna apia. Ana waugu i mangitou nasuete Nipate-Nu wuṛṛu nipappassu Mawu wuassu naungnga.

YESAYA 44:11

Atonna, anambon taumata apan massubba paal᷊uanna sarun masili. Taumata apan nallanginnu paal᷊uanna udde taumata ere i ite. Doloṛṛa'e i mangitou dumarisikka suadio'a; i mangitou sarun matta'utta wuṛṛu masili.

YESAYA 44:12

Mananassalla nanganu sampoto atta'a ana see niola'a sulal᷊ummu putungnga wuṛṛu nisassallu darupa. I tou ma'ola'a ringannu anambon ikkanne apan pia si tou. Tantal᷊anna mammanara, i tou niamal᷊unusanna, wuṛṛu nal᷊otakke.

YESAYA 44:9

Manga taumata apan nallanginnu paal᷊uanna sassubbanna udde tawe gunane, wuṛṛu manga monganna apan raddaloanni mangitou tawe mangal᷊ene. Manga taumata apan massubba paal᷊uanna udde wuta wuṛṛu waggan napa, ana waugu udde i mangitou sarun masili.

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.

YEREMIA 10:3

Addatta inanaramannu manga walahanna udde atonna-tonna tawe gunane. I mangitou mannuwangnga alu su mahurangnge, wuṛṛu mandolokku manga wasen kalu nirolokka niapamanara mallanginnu paal᷊uanna sassubbanna.

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

YEREMIA 10:9

I tou nioossu sal᷊a'a wuṛṛu wul᷊awanna apan niapidda wuassu Spanyol wuṛṛu soa Ufas, sarangkanambone lanna'u lima manga senimanna wuṛṛu mapapanden bul᷊awanna. Laungnge wuassu mal᷊aṛṛenessa ungu tua wuṛṛu ungu mudda, niraddu'u manga masingkatta mandaddu'a ringannu maaddunna.

YEREMIA 16:13

Ana waugu udde, i yamiu sarun Ta'u limbuaṛṛanna wuassu wanua indi wuṛṛu Ta'u iramme su sambau wanua apan awagananni yamiu wuṛṛu al᷊amonanu. Poiaroddi i yamiu sarun mattaṛṛamawu allo ṛabbi su manga mawu waine, wuṛṛu i Ya'u tate umakkanni yamiu. ’ ”

YEHEZKIEL 20:32

I yamiu maapulu massulungngu manga walahanna waine wuṛṛu tumana'u manga wanua waine apan maasubba aaluanna wuṛṛu watu. Arawe apulunu udde tawe maola'a.’ ”

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

TAHIUL᷊E 28:36

I yamiu wuṛṛu ratunu sarun iapiddu Mawu watukku wanua apan awagananni yamiu wuṛṛu awaganannu iupungngu al᷊amonanu. Isudde i yamiu sarun mattaṛṛamawu manga Mawu apan niola'a wuassu alu wuṛṛu watu.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 29:17

I yamiu buatte naasilo manga paal᷊uanna sassubbanni mangitou apan ma'arantinna niola'a wuassu alu, watu, sal᷊a'a wuṛṛu wul᷊awanna.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.