TAHIUL᷊E 4:25 - WUKE SUSI WATTI'U AL᷊AL᷊USASSA

²⁵ See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

TAHIUL᷊E 4:25 Iomraidhean Croise

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 32:7

Ne Mawu nabbisara si Musa, “Paal᷊ihakke sumossokka, ana waugu walahannu apan nipiaṛṛangngu sinumabbangnga wuassu Mesir buatte na'ola'a al᷊al᷊eo.

YEHEZKIEL 8:10

I ya'u lai sinumuttate wuṛṛu na'ellega. Manga darandungngu wabbo'a udde nihambarannu al᷊awo'u hatin atoanna wuṛṛu manga winatangnga apan ipappalli waine, see lai al᷊awo'u hambarannu paal᷊uanna apan sassubbannu manga taumatan Israel.

HOSEA 9:17

Ruata apan ta'u a'imbeanna udde sarun manol᷊a'u uman-Ne, ana waugu i mangitou maddiri maddaringikka si Tou. I mangitou sarun lumallele suwallattu manga walahanna.

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

TAHIUL᷊E 16:22

wuṛṛu imbaṛṛangnga mapararisikku diṛṛi ipassubba monganna, ana waugu Mawu Ruatanu maddantinnu pallal᷊agu udde.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

TAHIUL᷊E 28:45

Al᷊awo'u silaka udde sarun maṛṛia'a si yamiu wuṛṛu sidutu mannal᷊awa'i yamiu ma'oman sara i yamiu mate, ana waugu i yamiu tawe tumuṛṛutta manga tita apan nionggola si yamiu.

TAHIUL᷊E 28:61

Mawu lai sarun mandantan al᷊awo'u radda'a wuṛṛu riwutta apan tawe niwoṛṛetta sulal᷊ummu wuke indi, wuken Titan Mawu. Ana see i yamiu sarun pateanna.

TAHIUL᷊E 30:18

I yamiu sarun pateanna, wuṛṛu uukku maautta su wanua apan tate mal᷊annu lai atanaanni yamiu. Paanaunge! Olangnge udde buatte ta'u niwal᷊o si yamiu allo indi.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.

TAHIUL᷊E 4:16

Nariaddi paatehamma tadea'u i yamiu tawe marosa ana waugu i yamiu na'ola'a su watangannu sassane paal᷊uanna subbanna sulal᷊ummu al᷊awo'u lihidda, esakka ara'e wawine,

TAHIUL᷊E 4:23

Paanaunge paapia-pia! Imbaṛṛangnga maabul᷊in pa'aire apan niola'u Mawu Ruatanu si yamiu. Paatuṛṛutte parenta-Ne; saran paassa imbaṛṛangnga i yamiu mallanginnu al᷊awo'u paal᷊uanna tadea'u subbanna,

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”