TAHIUL᷊E 4:20 - WUKE SUSI WATTI'U AL᷊AL᷊USASSA

²⁰ Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

TAHIUL᷊E 4:20 Iomraidhean Croise

1 MARARATU 8:51

I mangitou uddewe uman-Nu sassane apan buatte niapiddu Mawu sinumabbangnga wuassu Mesir wanua suapa i mangitou nisansara.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

SASABANGNGA 1:13

Ana see ringannu maṛṛagissa mannansara taumatan Israel,

SASABANGNGA 1:14

wuṛṛu nanansarate wiakki mangitou. Ringannu tawe aakkanne i mangitou niwata'a mammanara masahadda su manga pa'olaanna wal᷊en wuṛṛu su manga wawail᷊anna.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YESAYA 48:10

I Ya'u maddalo Si'o sulal᷊ummu putungngu asasusa, ere sal᷊a'a apan niwaresi su auntapanna.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

DANIEL 3:26

Wua'udde i Nebukadnezar nangudanin ngaran pandu'a udde wuṛṛu nabbisara, “Sadrakh, Mesakh wuṛṛu Abednego, manga allangngu Ruata Apan Atanggaṛṛanne! Sabbangke wuassu pandu'a udde!” Ne i mangitou sinumabbangke.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.